تۇركيا 3 عارىشكەردى ىرىكتەپ، سونىڭ ىشىندەگى ۇزدىگىن عارىشقا ۇشىرادى
ارادا ەكى جىل وتكەندە سونىڭ بىرەۋى عارىشقا ۇشقان العاشقى تۇرىك ازاماتى اتانادى، دەپ حابارلايدى قازاقپارات انادولى اگەنتتىگىنە سىلتەمە جاساپ.
تۇركيا پرەزيدەنتى رەجەپ تايىپ ەردوعان ۇلتتىق عارىش باعدارلاماسىن تانىستىردى.
جيىن بارىسىندا ول تۇركيانىڭ العاش رەت عارىشتى عىلىمي زەرتتەۋگە ءوز ازاماتىن اتتاندىرعالى تۇرعانىن مالىمدەدى.
ونەركاسىپ جانە تەحنولوگيالار مينيسترلىگىنىڭ مالىمەتىنشە، كانديداتتاردى ىرىكتەۋدىڭ نەگىزگى كريتەريلەرىن استرونوميا، مەديتسينا جانە سپورت سالاسىنداعى ساراپشىلار انىقتايدى. ءتيىستى قۇرىلىمدار سوعان ساي كەلەتىن ءۇش ۇمىتكەردى ىرىكتەپ الادى، ولار ەكى جىل بويى دايىندىقتان وتەدى. سوسىن وقىتۋ كۋرسىن ۇيىمداستىراتىن قۇرىلىم سونىڭ ىشىنەن ەڭ ۇزدىگىن انىقتايدى. سول ادام تۇركيانىڭ اتىنان عارىشقا ۇشادى.
عارىشقا ۇشۋ ءراسىمى تۇركيا رەسپۋبليكاسىنىڭ قۇرىلعانىنا 100 جىل مەرەيتويىنا ورايلاستىرىلادى.
تۇركيادان باراتىن استروناۆت حالىقارالىق عارىش ستانساسىنداعى عىلىمي زەرتتەۋلەرگە قاتىسادى. بۇل جەردە اڭگىمە بيولوگيالىق زەرتتەۋلەر مەن تۇركيانىڭ عارىشتاعى زەرتتەۋلەرىنە قاتىستى بولىپ وتىر.
بۇل ميسسيانىڭ ناقتى اياسى ج و و- لارمەن جانە عالىمدارمەن كەڭەسكەننەن كەيىن انىقتالادى.