قار، كوكتايعاق، بوران: 3- جەلتوقسانعا ارنالعان اۋا رايى

اتموسفەرالىق فرونتتاردىڭ اسەرىنەن ەل اۋماعىنىڭ كەي جەرلەرىندە قار جاۋادى.

وڭتۇستىكتە جاۋىن-شاشىن (جاڭبىر، قار) جاۋادى، كوكتايعاق بولادى. ءبىرقاتار وڭىرلەردە تۇمان ءتۇسىپ، جاياۋ بۇرقاسىن سوعادى، جەل كۇشەيەدى.

جامبىل، اقمولا وبلىستارىنىڭ كەي جەرلەرىندە بۇرقاسىن كوتەرىلەدى، جەل ەكپىنى 15-20 م/س دەيىن كۇشەيەدى.

جامبىل وبلىسىنىڭ كەي جەرلەرىندە تۇمان تۇسەدى، كوكتايعاق بولادى.

الماتى وبلىسىنىڭ جالاڭاشكول اۋدانىندا جەل قارقىنى - 15-20 م/س. تۇندە جانە تاڭەرتەڭ كەي جەرلەردە تۇمان تۇسەدى.

تۇركىستان، باتىس قازاقستان، قوستاناي، سولتۇستىك قازاقستان، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە تۇمان تۇسەدى.

قاراعاندى ​​وبلىسىنىڭ كەي جەرلەرىندە بوران سوعىپ، جەل جىلدامدىعى 15-20 م/س جەتەدى.