دينوزاۆردىڭ قاڭقاسى 3 ميلليون ەۋروعا ساتىلدى

بۇل درۋو ساۋدا ۇيىندە قويىلعان لوتتىڭ العاشقى باعاسىنان ەكى ەسە كوپ، دەپ حابارلايدى قازاقپارات Euronews-كە سىلتەمە جاساپ.

سۇيەگىنىڭ 70 پايىزداي ساقتالعان قاڭقانىڭ بيىكتىگى ءۇش مەتردەن بيىك، ۇزىندىعى شامامەن ون مەتر. دينوزاۆر قاڭقاسىنىڭ جاسى 150 ميلليون جىل. ەڭ ءىرى جىرتقىشتىڭ ءبىرىنىڭ قاڭقاسىن ساتىپ العان ادامنىڭ ەسىمى اتالمايدى. انتيكۆاريات ساراپشىلار سوڭعى ۋاقىتتا دينوزاۆر سۇيەكتەرىنە ەرەكشە قىزىعۋشىلىق تۋىپ وتىرعانىن ايتادى.

«وسىنداي زاتتى ساتىپ الۋعا قىزىعۋشىلىق تانىتقان جەكەمەنشىك مۇراجايلار از ەمەس، سەبەبى بۇل وتە قىزىقتى ءارى سيرەك ەكسپوناتتار. ول ۇيلەرىندە وسىنداي قاڭقانى ساقتاپ جۇرۋگە قۇمار جەكەمەنشىك ساتىپ الۋشىلاردى دا قىزىقتىرىپ وتىر»، - دەپ اتاپ ءوتتى ءباسساۋداشى الەكساندر جيكەللو. دينوزاۆرعا قىزىعاتىنداردىڭ كوپ ەكەنىن وتكەن اپتادا نيۋ-يوركتەگى Christie's ءباسساۋداسىندا ورناتىلعان رەكوردتان دا كورۋگە بولادى.

تەلەفون ارقىلى وتكەن ساۋدا كەزىندە وڭتۇستىك داكوتاداعى بلەك حيللس گەولوگيالىق زەرتتەۋ ينستيتۋتىندا ساقتالىپ كەلگەن ستەن ەسىمدى تيراننوزاۆر 32 ميلليون دوللارعا ساتىلىپ كەتتى.