بەك ەير اۋە كومپانياسى جولاۋشىلارىنىڭ قۇقى وسىمەن 3-رەت سوتتا قارالىپ جاتىر
نۇر-سۇلتان. قازاقپارات - قازاقستان رەسپۋبليكاسى ساۋدا جانە ينتەگراتسيا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنىڭ قىزمەتكەرلەرى Bek Air كومپانياسى ءالى كۇنگە دەيىن قاراجاتىن قايتارماي جۇرگەن ازاماتتاردىڭ مۇددەلەرىن قورعاۋ جۇمىستارىن جالعاستىرۋدا.
بۇل تۋرالى قازاقپارات ءتىلشىسى ق ر ساۋدا جانە ينتەگراتسيا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتىنىڭ رەسمي سايتىنا سىلتەمە جاساپ حابارلايدى.
رەسمي سايتتاعى مالىمەتتەرگە قاراعاندا، قازىرگى ۋاقىتتا الماتى قالاسى تۇركسىب اۋداندىق سوتى تۇتىنۋشىلاردىڭ قۇقىقتارىن قورعاۋ كوميتەتىنىڭ اتىنان 3 تالاپ ارىزدى قاراپ جاتىر. تالاپ ارىزداردا كوميتەت 30 ميلليون تەڭگەدەن استامعا 845 بيلەت ساتىپ العان 482 ادامنىڭ مۇددەسىن قورعايدى. 2020 -جىلدىڭ 2-قازانىندا سوت وتىرىسى بارىسىندا سوت جاۋاپ بەرۋشىدەن جازباشا دالەلدەمەلەر سۇراۋ، پروكۋروردى، «قازاقستاننىڭ اۆياتسيا اكىمشىلىگى» ا ق ۋاكىلەتتى ۇيىمىن، بيلەت اگەنتتەرىن، سونداي-اق كوميتەت مۇددەلەرى بىلدىرەتىن ازاماتتاردى سەسسياعا قاتىسۋ ءۇشىن تارتۋ تۋرالى كوميتەتتىڭ وتىنىشتەرىن قارادى.
«بۇل وتىنىشتەر ءىستى جان-جاقتى جانە وبەكتيۆتى قاراۋ ءۇشىن ۇسىنىلادى. الايدا سوت كوميتەتتىڭ ءوتىنىشىن قابىلدامادى. سونىمەن بىرگە، ءبولىم تۇتىنۋشىلارعا قاراجاتتى قايتارۋ ءۇشىن زاڭنامالىق شەڭبەردە بارلىق قاجەتتى شارالاردى قولدانۋدى جالعاستىرادى. كەلەسى سوت وتىرىسى 2020 -جىلعى 13-قازاندا ساعات 15:00 دە وتەدى»، - دەلىنگەن حابارلامادا.
اۆتور: زارينا تۋعانبايەۆا
