شاڭدى داۋىل، نايزاعاي، اپتاپ: 3- تامىزعا ارنالعان اۋا رايى بولجامى
قازاقستان اۋماعىنىڭ باسىم بولىگى انتيتسيكلون ىقپالىندا بولعاندىقتان 3- تامىزدا كۇن اشىق بولادى. تەك ەلىمىزدىڭ باتىسىندا عانا نايزاعاي جارقىلداپ، جاڭبىر جاۋادى. داۋىل جانە شاڭدى داۋىل سوعىپ، بۇرشاق جاۋۋى ىقتيمال. رەسپۋبليكانىڭ كەي جەرلەرىندە جەل كۇشەيەدى.
ماڭعىستاۋ، اتىراۋ وبلىستارىنىڭ كەي جەرلەرىندە كۇن كۇركىرەپ، شاڭدى داۋىل تۇرادى. بۇرشاق جاۋۋى ىقتيمال.
كۇندىز ءوڭىردىڭ باسىم بولىگىندە جەل 17-23 م/س دەيىن كۇشەيەدى.
باتىس قازاقستان وبلىسىنىڭ كەي جەرلەرىندە نايزاعاي ويناپ، شاڭدى داۋىل تۇرادى. بۇرشاق جاۋۋى ىقتيمال، كەي جەرلەردە جەر جىلدامدىعى - 15-20 م/س.
الماتى، جامبىل وبلىستارىنىڭ كەي جەرلەرىندە نايزاعاي جارقىلدايدى. الماتى وبلىسىندا كۇن كۇركىرەپ، جەل ەكپىنى 15-20 م/س جەتەدى.
قاراعاندى، اقمولا، پاۆلودار، سولتۇستىك قازاقستان، قوستاناي، اقتوبە وبلىستارىنىڭ كەي جەرلەرىندە جەل 15-23 م/س كۇشەيەدى.
شىعىس قازاقستان وبلىسىنىڭ كەي جەرلەرىندە نايزاعان جارقىلداپ، شاڭدى داۋىل تۇرادى. جەل 15-20 م/س دەيىن كۇشەيەدى.
قىزىلوردا وبلىسىنىڭ كەي جەرلەرىندە جەل قارقىنى - 15-20 م/س. شاڭدى داۋىل سوعادى. قىزىلوردا، اقتوبە، قوستاناي، اقمولا، سولتۇستىك قازاقستان، شىعىس قازاقستان، اتىراۋ، پاۆلودار جانە قاراعاندى وبلىسىندا قاتتى ىستىق بولادى.
قىزىلوردا وبلىسىندا، تۇركىستان، اقتوبە وبلىستارىنىڭ باسىم بولىگىندە، قاراعاندى، الماتى، جامبىل وبلىستارىنىڭ كەي جەرلەرىندە توتەنشە ءورت قاۋپى ساقتالادى.
