قانداي شەكتەۋ شارالارى 3- تامىزدان كەيىن كۇشىندە قالادى؟

نۇر-سۇلتان. قازاقپارات - دەنساۋلىق ساقتاۋ ءمينيسترى الەكسەي سوي 3- تامىزدان كەيىن قانداي شەكتەۋ شارالارى كۇشىندە قالاتىنىن ايتتى، دەپ حابارلايدى قازاقپارات ءتىلشىسى.

«3- تامىزدان كەيىن مىنا تىيىم كۇشىندە قالۋى كەرەك: جاپپاي جينالاتىن بۇقارالىق شارالاردى وتكىزۋگە، كوڭىل كوتەرەتىن مەكەمەلەرگە، كينوتەاترلار مەن فۋدكورتتارعا، بانكەت زالدارىنىڭ جۇمىس ىستەۋىنە رۇقسات جوق. مەيرامحانالار مەن بارلار، تۇنگى جانە ويىن كلۋبتارى دا ازىرگە جۇمىس باستامايدى. مادەنيەت نىساندارىنىڭ، مۋزەيلەردىڭ جۇمىسى جاندانبايدى. كونفەرەنتسيالار مەن كورمەلەر، فورۋمدار وتكىزىلمەيدى. سپورت زالداردىڭ، فيتنەس-ورتالىقتاردىڭ، باسسەيندەر مەن اكۆاپارك پلياجدارىنىڭ، ءدىني نىسانداردىڭ جۇمىسى باستالمايدى. تابيعي جولاۋشىلار پويىزى (جۇمىس پويىزدارىن ەسەپتەمەگەندە ەلەكتريچكالار) مەن قالا اراسىنداعى اۆتوبۋستاردىڭ قوزعالىسى جاندانبايدى»، - دەدى الەكسەي سوي ۇكىمەت وتىرىسىندا.

ەسكە سالا كەتسەك بۇعان دەيىن 3- تامىزدان باستاپ قانداي نىسانداردىڭ جۇمىس باستاۋىنا رۇقسات بەرىلەتىنىن ايتقان بولاتىن.

ونىڭ ايتۋىنشا قازاقستاندا ك ۆ ي جۇقتىرۋ جاعدايى 29 پايىزعا ازايعان.