قازگيدرومەت: شىلدەنىڭ 3 ءى كۇنگى اۋا رايى بولجامى

نۇر-سۇلتان. قازاقپارات - وڭتۇستىك تسيكلون مەن ونىمەن بايلانىستى اتموسفەرالىق فرونتالدى بولىكتەردىڭ وتۋىنە بايلانىستى قازاقستاننىڭ باسىم بولىگىندە اۋا رايى قۇبىلمالى بولادى، دەپ حابارلايدى قازاقپارات «قازگيدرومەت» ر م ك- نىڭ مالىمەتتەرىنە سۇيەنە وتىرىپ.

كاسىپورىن تاراتقان مالىمەتتەرگە قاراعاندا، 3- شىلدە كۇنى ەلدىڭ باسىم بولىگىندە كۇن كۇركىرەپ، سولتۇستىكتە، سولتۇستىك-شىعىستا جانە ورتالىقتا كۇشتى جەل تۇرىپ، بۇرشاق جاۋۋى ىقتيمال.

رەسپۋبليكانىڭ تەك باتىسى، وڭتۇستىك-باتىسىندا عانا كۇن اشىق بولادى. كەي جەرلەردە جەل كۇشەيىپ، سولۇستىك-باتىستا تۇندە جانە تاڭ اتا تۇمان تۇسەدى.

اقمولا وبلىسىنىڭ ءبىرقاتار اۋماعىندا جەل كۇشەيىپ، جەلدىڭ جىلدامدىعى سەكۋندىنا 15-20 مەترگە جەتەدى، بۇرشاق جاۋۋى ىقتيمال.

قوستاناي وبلىسىندا تۇندە جانە تاڭ اتا تۇمان ءتۇسىپ، كۇندىز جەل سەكۋندىنا 15-20 مەتر جىلدامدىقپەن ۇيتقيدى. سولتۇستىك قازاقستان وبلىسىنىڭ كەي جەرلەرىندە بۇرشاق جاۋادى.

پاۆلودار وبلىسىنىڭ كەي جەرلەرىندە جەل سەكۋندىنا 15-20 مەتر جىلدامدىقپەن ۇيتقىپ، كۇندىز بۇرشاق جاۋۋى ىقتيمال.

قاراعاندى، شىعىس قازاقستان وبلىستارىندا جەل كۇشەيىپ، بۇرشاق جاۋادى، جەلدىڭ جىلدامدىعى سەكۋندىنا 15-20 مەترگە، ەكپىنى 25 مەترگە جەتەدى.

جامبىل، تۇركىستان، الماتى، قىزىلوردا وبلىستارىندا جەل كۇشەيىپ، جىلدامدىعى سەكۋندىنا 15-20 مەترگە جەتەدى.

باتس قازاقستان وبلىسىندا بۇرشاق جاۋۋى مۇمكىن، تۇندە جەل كۇشەيىپ، جىلدامدىعى سەكۋندىنا 15-20 مەترگە جەتەدى.

اتىراۋ، باتىس قازاقستان وبلىستارىنىڭ كەي جەرلەرىندە اپتاپ ىستىق بولادى. تۇركىستان، قىزىلوردا، جامبىل وبلىستارى مەن الماتى، قاراعاندى وبلىستارىنىڭ كەي جەرلەرىندە، اقتوبە وبلىسىنىڭ وڭتۇستىك بولىگىندە، اتىراۋ وبلىسىنىڭ باتىسىندا ەرەكشە ءورت قاۋىپى ساقتالادى.