وسكەمەندە 3 ادام كوروناۆيرۋس جۇقتىردى دەگەن اقپارات - جالعان
وسكەمەن. قازاقپارات - وسكەمەن قالاسىنداعى كوروناۆيرۋستىڭ تارالۋىنا جول بەرمەۋ ماقساتىندا قۇرىلعان شتاب وكىلدەرى تۇرعىنداردى الەۋمەتتىك جەلىدە تاراپ جاتقان اقپاراتقا سەنبەۋگە شاقىردى، دەپ حابارلايدى قازاقپارات.
كەشەلى بەرى الەۋمەتتىك جەلىلەردە «وسكەمەنگە ماسكەۋدەن كەلگەن 3 ادامنان كوروناۆيرۋس انىقتالدى» دەگەن اقپارات تاراپ كەتكەن. «بۇل مالىمەت شىندىققا جاناسپايدى. قازىر ش ق و-دا ءبىر دە ءبىر كوروناۆيرۋس جۇقتىرۋ فاكتىسى تىركەلمەگەن. ەل اراسىندا جالعان اقپارات تاراتقانداردىڭ زاڭعا سايكەس جازاعا تارتىلاتىنىن ەسكەرتەمىز»، - دەپ حابارلادى شتاب وكىلدەرى.
