ءۇندىستاندا قۇدىققا قۇلاپ كەتكەن بالانى 3 كۇننەن بەرى قۇتقارا الماي جاتىر
نۇر- سۇلتان. قازاقپارات - ءۇندىستاندا قۇدىققا قۇلاپ كەتكەن بالانى ءۇش كۇننەن بەرى قۇتقارا الماي جاتىر، دەپ حابارلايدى قازاقپارات ВВС- گە سىلتەمە جاساپ.
ءۇندىستاننىڭ وڭتۇستىگىندەگى تاميل نادۋ شتاتىندا كوشەدە كورشىلەرىنىڭ بالالارىمەن ويناپ جۇرگەن سۋدجيت ۋيلسون ەسىمدى 2 جاسار بالا ابايسىزدا تەرەڭدىگى 180 مەتر كەلەتىن قۇدىققا قۇلاپ كەتكەن. ول قۇدىقتىڭ تۇبىنە جەتپەي، ون مەتردەي جەردە ءىلىنىپ قالعان.
ەنسىز قۇدىققا ەرەسەك ادام تۇسە المايدى. سوندىقتان ءۇش كۇننەن بەرى ونى شىعارا الماي الەك.
قۇتقارۋشىلار قۇدىقتىڭ ىشىنە اۋا ايداپ جاتىر، ءبىراق ونىڭ بالاعا جەتىپ جاتقانىنا ەشكىم كەپىلدىك بەرە المايدى. قۇتقارۋشىلاردىڭ ەكىنشى توبى بالا وتىرعان قۇدىقتىڭ جانىنان ەكىنشىسىن قازۋدا.
جەرگىلىكتى گازەتتەردىڭ جازۋىنشا، بالانى شەشەسىنىڭ ءوزى قۇتقارىپ الۋدىڭ امالىن قاراستىرعان. ەسى شىققان انا الدىمەن قاپشىق تىگىپ، بالاسىن «اۋلاپ» الماقشى بولعان، ارتىنشا ءوزى قۇدىققا تۇسپەككە ارەكەتتەنەدى. ءبىراق ونىسىنان ەش ناتيجە شىقپاعان.
