ەلىمىزدىڭ ءتورت وڭىرىندە 3 گرادۋسقا دەيىن ۇسىك جۇرەدى

قازگيدرومەتتىڭ حابارلاۋىنشا، تۇندە كەي جەرلەردە جاۋىن- شاشىن جاۋادى (جاڭبىر، جىلبىسقى قار) كۇندىز جاڭبىر جاۋادى، كەي جەرلەردە نايزاعاي، تۇمان كۇتىلەدى، سولتۇستىكتە بۇرشاق جاۋۋى ىقتيمال. رەسپۋبليكانىڭ كەي جەرلەرىندە جەل، وتە قاتتى ەكپىلى جەل سولتۇستىك اۋماقتاردا ساقتالادى.

اقمولا، سولتۇستىك قازاقستان وبلىستارىندا جەل 15-20، كەي جەرلەردە 23-28، ەكپىنى 30 م/س جانە ودان اسا كۇشەيۋى كۇتىلەدى، كەي جەرلەردە بۇرشاق جاۋۋى ىقتيمال.

پاۆلودار، قوستاناي، اقتوبە، قاراعاندى، شىعىس قازاقستان، اتىراۋ وبلىستارىندا جەل 15-20، كەي جەرلەردە 23-28، ەكپىنى 30 م/س جانە ودان كۇشتى جەل كۇتىلەدى.

ماڭعىستاۋ وبلىسىنىڭ كەي جەرلەرىندە شاڭدى داۋىل كۇتىلەدى، جەل 15-20 م/س كۇشەيەدى.

اتىراۋ وبلىسىنىڭ كەي جەرلەرىندە تۇمان كۇتىلەدى، تۇندە جەل 15-20 م/س كۇشەيەدى.

باتىس قازاقستان، اقتوبە، قوستاناي، سولتۇستىك قازاقستان وبلىستارىنىڭ كەي جەرلەرىندە تۇندە 1-3 گرادۋس ۇسىك جۇرەدى.

قىزىلوردا، تۇركىستان وبلىستارىندا، جامبىل، كاراعاندى وبلىستارىنىڭ كەي جەرلەرىندە، باتىس قازاقستان جەكەلەگەن اۋدانىندا وتە جوعارى ءورت ءقاۋىپى ساقتالادى.