ەلورداداعى اتىس: 3 ادام جارالانىپ، بىرەۋى كوز جۇمدى
«25- تامىز كۇنى جەدەل باسقارۋ ورتالىعىنا مامان كوشەسىندە اتىس بولىپ جاتقانى تۋرالى حابار كەلىپ تۇسكەن. وقيعا ورنىنا جەتكەن پوليتسەيلەر جاعدايعا كوز جەتكىزدى. ءبىر توپ ادام جانجالداسىپ، اشۋعا بۋلىققان بىرەۋى باسقالارعا قارۋدان وق جاۋدىرعان. سالدارىنان 4 ادام جارالاندى. ونىڭ بىرەۋى اۋرۋحاناعا جەتكىزىلگەن سوڭ كوز جۇمدى. كۇدىكتىلەر وقيعا ورنىنان ءىزىن جاسىرعان» دەلىنگەن حابارلامادا.
ەلوردالىق پوليتسەيلەردىڭ شۇعىل ارەكەتىنىڭ ارقاسىندا كۇدىكتىلەر ءبىر تاۋلىك ىشىندە ۇستالدى. قازىرگى ۋاقىتتا ولار قاماۋعا الىنعان. اتالمىش ىسكە قاتىسى بار بارلىق ادام انىقتالدى. سوتقا دەيىنگى تەرگەۋ ءجۇرىپ جاتىر.
وق اتىلعان قارۋ-جاراق تابىلىپ، ءتيىستى سوت-مەديتسينالىق ساراپتاما تاعايىندالعان. ءمان-جايدى انىقتاۋ كەزىندە وقيعا قاتىسۋشىلارى اراسىنداعى جانجال دۇشپاندىق قارىم-قاتىناس نەگىزىندە تۋىنداعانى بەلگىلى بولدى.
