مەملەكەت بولگەن 3 مىڭ وقۋ گرانتى ۇلەستىرىلمەي قالعان
بۇل تۋرالى ەلوردادا وتكەن بريفينگتە ق ر ءبىلىم جانە عىلىم ۆيتسە- ءمينيسترى فاتيما جاقىپوۆا ءمالىم ەتتى، دەپ حابارلايدى قازاقپارات ءتىلشىسى.
«وكىنىشكە قاراي، گرانتقا ىلىنبەگەن تالاپكەرلەر بار. وزدەرىڭىز بىلەسىزدەر، كونكۋرسقا 64 مىڭنان استام ادام قاتىستى. ءبىراق ءبىز قازىرگى كەزدە ۇكىمەت قاۋلىسىنا وزگەرىستەر ەنگىزەمىز، سودان كەيىن بەلگىلەنگەن ءتارتىپ بويىنشا ءتيىستى باعىتتارعا گرانتتى بەرۋدى جالعاستىرامىز. وسى ورايدا 3 مىڭ گرانت باسىمدىقتى باعىتتار بويىنشا قايتادان تاعايىندالادى»، - دەدى ۆيتسە- مينيستر.
بۇل تۇرعىدا ينجەنەرلىك، پەداگوگيكالىق، جاراتىلىستانۋ باعىتتارى قامتىلادى.
مينيسترلىك مالىمەتىنە قاراعاندا، اتالعان 3 مىڭ گرانت نەگىزگى كونكۋرستان (53785 گرانتتىڭ ىشىندە) يگەرىلمەي قالدى. كەيبىر ماماندىقتارعا ۇمىتكەرلەر از بولعاندىقتان، وسى گرانتتار بولىنبەي قالدى. سوندىقتان وسى ءۇش مىڭ گرانت تالاپكەرلەر اراسىندا قايتادان بولىنەدى. وسى اپتادا قاۋلى جوباسى ازىرلەنىپ، وعان ءتيىستى وزگەرىستەر ەنگىزىلىپ، سودان كەيىن جيناعان ۇپايلارىنا قاراي تالاپكەرلەر وزدەرىنىڭ گرانتتارىن الادى.
ايتا كەتەيىك، بيىل كوكۋرسقا 53785 گرانت ءبولىندى، قاتىسۋشىلاردىڭ سانى 64452 ادام بولدى. وسى ورايدا ءبىر گرانتقا ورتاشا كونكۋرس 1,29 ادامدى قۇرادى.
بۇگىن تاڭەرتەڭ مەملەكەتتىك ءبىلىم گرانتىنا يە بولعانداردىڭ تولىق ءتىزىمى شىقتى.
اۆتور: رۋسلان عابباسوۆ