ءۇش ءىرى قالادا جاستارعا 3 مىڭ پاتەر بەرىلەدى

نۇر-سۇلتان. قازاقپارات - جاقىن ارادا نۇر-سۇلتان، الماتى جانە شىمكەنت قالالارىندا جاستارعا باسپانا ءبولۋ ءتارتىبى بەلگىلەنەدى.

بۇل تۋرالى ۇكىمەت وتىرىسىندا يندۋستريا جانە ينفراقۇرىلىمدىق دامۋ ءمينيسترى رومان سكليار ءمالىم ەتتى، دەپ حابارلايدى قازاقپارات ءتىلشىسى.

«نۇر-سۇلتان، الماتى جانە شىمكەنت قالالارىندا جۇمىس ىستەيتىن جاستاردى باسپانامەن قامتاماسىز ەتۋ ءۇشىن 2019-2021-جىلدارى ارالىعىندا جىلىنا 1 مىڭ جالدامالى پاتەر سالۋ جوسپارلانعان. مەملەكەت باسشىسىنىڭ تاپسىرماسىنا سايكەس، جالعا بەرىلەتىن تۇرعىن ءۇي سالۋ مەن ساتىپ الۋ ءۇشىن قارجىلاندىرۋ كولەمى جىلىنا 21,6 ميلليارد تەڭگەگە دەيىن (3 جىل ىشىندە 64,8 ميلليارد تەڭگە) ءوستى»، - دەپ ءتۇسىندىردى مينيستر.

ونىڭ سوزىنە قاراعاندا، بۇل قارجى 2019، 2020 جانە 2021-جىلدارى جۇمىسشى جاستارعا 3 مىڭ جالعا بەرىلەتىن پاتەر (نۇر-سۇلتان، الماتى قالالارىندا 1050 پاتەر جانە شىمكەنتتە 900 پاتەر) بەرۋگە مۇمكىندىك بەرەدى.

«قارجىلاندىرۋدىڭ وسۋىنە بايلانىستى ءبىز «نۇرلى جەر» باعدارلاماسىنا تولىقتىرۋلار ەنگىزەمىز. ال جاستار ساياساتى جونىندەگى ۋاكىلەتتى ورگان (اقپارات جانە قوعامدىق دامۋ مينيسترلىگى) جاقىن ارادا تۇرعىن ءۇي ءبولۋ شارتتارى مەن ءتارتىبىن بەلگىلەيدى»، - دەدى رومان سكليار.