جۇرەگىم توقتاپ قالا جازدادى: ەر ادام جاڭبىرلى كۇننىڭ ارقاسىندا 3 ميلليارد تەڭگە ۇتىپ الدى
بۇل تۋرالى UPI پورتالىنا سىلتەمە جاساپ Stan.kz حابارلايدى.
ۆيردجينيا شتاتىنىڭ تۇرعىنى جۇمىسىنان كەيىن ءۇيىنىڭ اۋلاسىنداعى ءشوپتى شاۋىپ جۇرگەن. الايدا وسى كەزدە اياق استىنان جاڭبىر جاۋىپ كەتىپتى. ارتىنشا مارتين كوگال شاپقىشىن تاستاپ، ازىق- تۇلىك الۋ ءۇشىن دۇكەنگە بارادى. ول دۇكەندە لەزدە ويناتىلاتىن لوتەرەيا بيلەتىن ساتىپ الۋدى ۇيعارعان.
مارتين بيلەتتىڭ قورعانىس قاباتىن قىرعاننان كەيىن، باستى سىيلىقتى ۇتىپ العانىن بىلگەن. وسىلايشا، ول اياق استىنان 10 ميلليون دوللارعا يە بولدى.
«بيلەتتىڭ قورعانىس قاباتىن قىرعاننان كەيىن جۇرەگىم توقتاپ قالا جازدادى» ، - دەيدى ول.
ەر ادامنىڭ ۇتىسقا يە بولعانىنا ساتۋشى دا سەنە الماپتى. ول ۇتىستى بيلەتتى سكانەردەن ەكى رەت تەكسەرگەن.
ءوز كەزەگىندە لوتەرەيا وكىلدەرى مارتينگە تاڭداۋ جاساۋدى ۇسىنعان. ول 10 ميلليون دوللاردى 30 جىل ىشىندە ءبولىپ الا الادى نەمەسە 6,6 ميلليون دوللاردى الىپ، ارتىنشا ۇيىمداستىرۋشىلار ءۇشىن ۇتىستىڭ سالىعىن تولەيدى. ەر ادام ەكىنشى نۇسقانى تاڭدادى.
Stan.kz
