اقمولا تۇرعىنى ابايسىزدا 3 جاسار بالاسىن مەرت قىلدى

كوكشەتاۋ. قازاقپارات - اقمولا وبلىسىنىڭ تۇرعىنى 3 جاسار بالاسىن ابايسىزدا كولىگىمەن باسىپ كەتىپ، مەرت قىلدى، دەپ حابارلايدى قازاقپارات ءتىلشىسى.

ءى ءىد  مالىمەتى بويىنشا، وقيعا 6- قىركۇيەك كۇنى ەسىل قالاسىندا بولدى. ءسابي سول كۇنى ساعات 15:40 شاماسىندا ەسىل اۋداندىق ورتالىق اۋرۋحاناسىنا جەتكىزىلگەن. «33 جاستاعى ەر ادام «Volkswagen Sharan» كولىگىمەن ءۇيىنىڭ اۋلاسىنان شىعا بەرىستە 3 جاستاعى بالاسىن ابايسىزدا باسىپ كەتتى. ۇل بالا ەسىل اۋداندىق اۋرۋحاناسىنا ەس-ءتۇزسىز ءتۇستى. كوپ ۇزاماي ول العان جاراقاتتارى سالدارىنان كوز جۇمدى»، - دەپ ءمالىم ەتتى ءى ءى د باسپا ءسوز حاتشىسى گۇلنار پينچۋك.

قازىرگى كەزدە، وسى وقيعاعا بايلانىستى ق ر ق ك-345- بابى 3-بولىگى بويىنشا ءىس قوزعالىپ، سوتقا دەيىنگى تەرگەۋ امالدارى جۇرگىزىلۋدە. سونداي-اق بالانىڭ دەنەسى ءمايىتحاناعا جىبەرىلىپ، سوت-مەديتسينالىق ساراپتاما تاعايىندالدى.