قىتايلىق دارىگەرلەر ناۋقاستىڭ بۇيرەگىنەن 3 مىڭعا جۋىق تاستى الىپ تاستادى
ونىڭ بۇيرەگىندەگى تاستار ينفەكتسيا سالدارىنان پايدا بولعان. ال مۇنداي ينفەكتسيانىڭ تاراۋىنا قانت ديابەتى سەبەپ بولىپتى.
بۇل تۋرالى Global Times باسىلىمىنا سىلتەمە جاساپ Stan.kz حابارلايدى.
چانجوۋ وكرۋگىندە 56 جاستاعى ايەل ءىشىنىڭ اۋىراتىنىن ايتىپ، دارىگەرلەرگە جۇگىنگەن.
باسىلىمدا حابارلانعانداي، ايەلدىڭ بۇيرەگىندەگى تاستاردى الىپ شىعۋ ءۇشىن دارىگەرلەرگە ءبىر ساعات قاجەت بولعان. ولار ساناپ كورگەندە، ايەلدىڭ بۇيرەگىنەن 2980 تاس شىققانى بەلگىلى بولعان.
«ءبىز مۇندايدى كورگەندە قاتتى تاڭعالدىق. بۇيرەگىنىڭ سەمىپ قالۋى مۇمكىن ەدى. بۇل جاعدايدا تەك تاستاردى الىپ تاستاۋ ارقىلى عانا ەمدەۋگە بولادى»، - دەيدى كلينيكانىڭ ۋرولوگيا ءبولىمىنىڭ مەڭگەرۋشىسى مو نايسين.
ايتا كەتسەك، تاياۋدا اقتاۋ وبلىستىق بالالار اۋرۋحاناسىنىڭ دارىگەرلەرى 12 جاسار جاس ءوسپىرىمنىڭ اسقازانىنان سالماعى 3 كەلى 560 گرامم بولاتىن 35 سانتيمەترلىك ۇيىسىپ قالعان شاش الىپ شىقتى.
