وتارداعى جاۋىنگەرلىك پارادقا 3 مىڭنان استام سارباز قاتىسادى
بۇل تۋرالى «وڭتۇستىك» وڭىرلىك قولباسشىلىعىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.
«اسكەري پارادقا قاتىسۋشىلاردىڭ باسىم بولىگىن «وڭتۇستىك» وڭىرلىك قولباسشىلىعىنىڭ اسكەري قىزمەتشىلەرى قامتىپ وتىر. جالپى بۇل اتاۋلى شاراعا ءۇش مىڭنان استام سارباز، 300-دەن استام قارۋلانۋ ءارى اسكەري تەحنيكاسى، 30-عا جۋىق اۆياتسيا تەحنيكاسى قاتىسادى»، - دەپ اتاپ وتىلگەن حابارلامادا.
اتالعان پارادقا قاتىسۋ كەڭ اۋقىمدى وقۋ- جاتتىعۋدى وتكىزۋمەن تەڭ. بولىمشەلەر تاجىريبەلىك جاتتىعۋ كەزىندە ءوزارا ءىس- قيمىلدى ەگجەي- تەگجەيلى پىسىقتالۋى ءتيىس. ال وفيتسەرلەر پاراد كەزەڭدەرىن جوسپارلاۋ مەن بولىمشەلەردى باسقارۋ بارىسىندا اسكەري ونەردى جوعارى دەڭگەيدە كورسەتۋى قاجەت.
قازاقستان تاريحىندا العاشقى جاۋىنگەرلىك پاراد 5 جىل بۇرىن، ياعني 2013 -جىلى وتان قورعاۋشىلار كۇنىندە ۇيىمداستىرىلدى. جاۋىنگەرلىك پاراد قارۋلى كۇشتەردىڭ نەگىزگى قارۋلانۋىنىڭ مۇمكىندىكتەرىن كورسەتۋگە ارنالعان.
اسكەري پارادپەن ايىرماشىلىعىنا توقتالساق، جاۋىنگەرلىك پاراد كەزىندە اسكەري تەحنيكا تاجىريبە جۇزىندە پايدالانىلادى. پوليگوندا قۇرلىق اسكەرلەرىنىڭ ءتۇرلى قارۋلارىنان وق اتىلادى، ال ۇشاقتار مەن تىكۇشاقتار اۋەدە وزدەرىنىڭ تولىق مۇمكىندىكتەرىن كورسەتەدى.
سونىمەن قاتار، جەكە قۇرام وزدەرىنىڭ كاسىبي دەڭگەيىن تولىقتاي پاش ەتىپ، جاۋىنگەرلەردىڭ تاجىريبە جۇزىندەگى داعدىلارىن تاماشالاۋعا مۇمكىندىك جاسالادى.
اۆتور: رۋسلان عابباسوۆ
