استانادا 3 مىڭعا جۋىق كامەرا قاردىڭ قالاي تازالانعانىن تەكسەرەدى - فوتو

None
None
استانا. قازاقپارات - استانا مونيتورينگ جانە جەدەل ارەكەت ەتۋ ورتالىعى قالاداعى قار تازالاۋدىڭ ساپاسىن باقىلايتىن بولدى.

كوممۋنالدىق قىزمەتتىڭ جۇمىسىن مونيتورينگىلەۋ قالالىق بەينەباقىلاۋ جۇيەسىنىڭ كومەگىمەن ونلاين رەجيمدە جۇرگىزەدى، دەپ حابارلايدى ەلوردا اكىمدىگىنىڭ رەسمي سايتى.

3000-عا جۋىق كامەرا قالاداعى جولدار مەن تۇرعىن ۇيلەردىڭ كىرەبەرىس اۋماعىن، ىشكى كىرەبەرىس پەن بالالار الاڭىن قالاي تازالاپ جاتقانىن باقىلايدى.

تازالانباعان اۋلانى انىقتاعان جاعدايدا مونيتورينگ ورتالىعىنىڭ وپەراتورلارى ول جەرگە قار تازالايتىن كولىك پەن جۇمىسشىلاردى جىبەرەدى.

بەينەباقىلاۋدىڭ جالپى جۇيەسىنە ازىرگە ۇركەر مەن كوكتال تۇرعىن الاپتارى عانا قوسىلعان جوق.

 Астанада 3 мыңға жуық камера қардың қалай тазаланғанын тексереді

ايتپاقشى، تۇرعىندارعا قولايلى بولۋ ءۇشىن قالانىڭ كوممۋنالدىق قىزمەتىندەگى قار تازالاۋ جۇمىسى تاۋلىك بويى جۇرەدى.

«استانا تازالىق» ج ش س مالىمەتىنشە، قالانى قاردان تازالاۋعا 300 جۇمىسشى مەن 256 ارنايى تەحنيكا جۇمىلدىرىلعان. قىس باستالعالى استانانىڭ ءۇش اۋدانىنان پوليگونعا 2421266 تەكشە مەتر قار شىعارىلدى.

استانا اكىمدىگى بارلىق تۇرعىن ءۇي- كوممۋنالدىق ماسەلەگە قاتىستى، ونىڭ ىشىندە قار شىعارۋ ءۇشىن تاۋلىك بويى جۇمىس ىستەيتىن قالالىق مونيتورينگ جانە جەدەل ارەكەت ەتۋ ورتالىعىنا، Call-ورتالىقتاعى 109 نومەرىنە قوڭىراۋ شالۋعا بولاتىنىن ەسكە سالادى.

سونىمەن بىرگە استانا اكىمدىگى ءۇيدىڭ جانىنداعى تازارتىلماعان قاردى شىعارۋ ءۇشىن ءوز ءۇيىڭىزدىڭ پ ي ك (باسقارۋشى كومپانيا) جۇگىنۋ قاجەت ەكەندىگىن ەسكە سالادى.

سوڭعى جاڭالىقتار