الماتىدا بۇركىتشىلەردىڭ 3- حالىقارالىق فەستيۆالى وتەدى
ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ 2018-جىلعى بەرگەن رەسپۋبليكالىق شارالارىنىڭ جوسپارىنا سايكەس، قازاقستان چەمپيوناتى اقپان ايىنىڭ 1-4- ارالىعىندا وتكىزىلمەك. رەسپۋبليكالىق چەمپيوناتتىڭ وتۋىنە مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى، ۇلتتىق سپورت تۇرلەرى قاۋىمداستىعى، ش ق و دەنە شىنىقتىرۋ جانە سپورت باسقارماسى مەن ءۇرجار اۋدانىنىڭ اكىمدىگى مۇرىندىق بولىپ وتىر.
«قازاقستان چەمپيوناتىنا 12 وبلىس پەن 2 قالادان كەلگەن بۇركىتشىلەر قاتىسادى. بارلىق وڭىردەن 50 گە جۋىق بۇركىتشى ونەر كورسەتەدى دەپ كۇتىلىپ وتىر»، - دەپ حابارلايدى سپورت جانە دەنە شىنىقتىرۋ ىستەرى كوميتەتىنىڭ اعا جاتتىقتىرۋشىسى بازاربەك كۇنتۋعان ۇلى.
ال بۇركىتشىلەردىڭ ءداستۇرلى «قانسونار-2018» رەسپۋبليكالىق ءتۋرنيرى بيىل اقپان ايىنىڭ سوڭىندا باتىس قازاقستان وبلىسىنىڭ ورتالىعى ورال قالاسىندا وتپەك. ول تۋرنيرگە دە جيىنى 50 گە جۋىق جۋىق بۇركىتشى شاقىرىلعان. ورالدا وتەتىن كوك تاعىلارىنىڭ سايىسىندا 20 عا تارتا تورەشى قازىلىق ەتەتىن بولادى.
ودان بولەك، اقپان ايىندا الماتى قالاسىندا قۇسبەگىلەردىڭ «قىران-2018» رەسپۋبليكالىق ءتۋرنيرى، بۇركىتشىلەردىڭ III حالىقارالىق فەستيۆالى (ازىرگە قايدا وتەتىنى بەلگىلەنبەگەن) وتكىزىلمەك. سونىمەن قاتار، قازاقستاندا بۇركىتشىلىك پەن ساياتشىلىقتى دامىتۋ جولىندا ءساۋىر ايىندا «تورەشىلەردىڭ باپكەرلەر مەن نۇسقاۋشىلاردىڭ بىلىكتىلىگىن ارتتىرۋ كۋرستارىن» وتكىزۋ جوسپارلانعان. وعان وبلىستىق فەدەراتسيالارعا قاراستى سپورت مەكتەپتەرىنىڭ جاتتىقتىرۋشىلارى مەن استانا جانە الماتى قالالارىنان كەلگەن نۇسقاۋشىلار قاتىسادى.
