ءسابي 3 جاسقا دەيىن اناسىمەن بىرگە جاتۋى ءتيىس
استانا. قازاقپارات - اكەلەر ءۇشىن جايسىز جاڭالىق! عالىمداردىڭ ايتۋىنشا، ءسابي كەم دەگەندە ءۇش جاسقا دەيىن اناسىنىڭ جانىندا ۇيىقتاۋى ءتيىس. سەبەبى بۇل جايت ولاردىڭ جۇرەگىنىڭ جۇمىسىن جاقسارتادى.
بۇل تۋرالى شەتەلدىك Daily Mail باسىلىمىنا سىلتەمە جاساپ Stan.kz حابارلايدى.
زەرتتەۋ جۇرگىزگەن دارىگەرلەر جاڭا تۋعان ءسابيدى اناسىنىڭ قۇشاعىنا جانە توسەككە جاتقىزىپ، سالىستىرىپ كورگەن. ناتيجەسىندە اناسىنىڭ قۇشاعىندا جاتقان ءسابي ۇزاعىراق ءارى تىنىش ۇيىقتاعان، ال توسەكتە جاتقان نارەستەنىڭ مازاسى قاشىپ، جۇرەك سوعىسى جيىلەي تۇسكەن. توسەكتە جاتقان 16 بالانىڭ تەك تورتەۋى تىنىش ۇيقىعا باتسا، قالعاندارى جايسىز سەزىنگەن.
وڭتۇستىك افريكا ۋنيۆەرسيتەتىنىڭ دارىگەرى نيلس بەرگماننىڭ ايتۋىنشا، العاشقى بىرنەشە اپتادا ءسابي اناسىنىڭ قۇشاعىندا، ال ودان كەيىن كەمى 3-4 جاسقا دەيىن اناسىمەن ءبىر توسەكتە جاتۋى ءتيىس.
