سينوپتيكتەردىڭ 3- قاراشاعا ارنالعان اۋا رايى بولجامى
كەي جەرلەردە جەل كۇشەيىپ، تۇمان، كوكتايعاق بولادى، وڭتۇستىك-شىعىستىڭ كەي جەرلەرىندە نايزاعاي ويناپ، كۇشتى جەل تۇرادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.
اتاپ ايتقاندا، اقمولا، قاراعاندى، شىعىس قازاقستان وبلىستارىنىڭ كەي جەرلەرىندە 15-20 م/س جىلدامدىقپەن سوققان جەلدىڭ ەكپىنى 23-28 م/س جەتەدى. اقمولا، قاراعاندى وبلىستارىنىڭ جەكەلەگەن جەرلەرىندە تۇمان مەن كوكتايعاق بولجانادى.
ماڭعىستاۋ، باتىس قازاقستان وبلىستارىندا تۇمان كۇتىلەدى. قىزىلوردا، اتىراۋ، قوستاناي، سولتۇستىك قازاقستان وبلىستارىنىڭ كەي اۋماقتارىندا تۇماندى بولادى، جەلدىڭ كۇشى 15-20 م/س جەتەدى.
سولتۇستىك قازاقستان وبلىسىنىڭ كەي جەرلەرىندە كوكتايعاق كۇتىلەدى. اقتوبە وبلىسىنىڭ كەي جەرلەرىندە تۇمان، كوكتايعاق بولىپ، كۇندىز جەل 15-20 م/س كۇشەيەدى. پاۆلودار وبلىسىندا 15-20 م/س ەكپىندەگى جەل كۇندىز 23-28 م/س كۇشەيەدى، تۇندە كەي جەرلەرىندە تۇمان، كوكتايعاق بولجانادى.
وڭتۇستىك قازاقستان وبلىسىندا 15-20 م/س ەكپىندەگى جەلدىڭ كۇشى 23-28 م/س ارتادى. الماتى وبلىسىنىڭ كەي جەرلەرىندە - كۇندىز، جالاڭاشكول اۋدانىندا تۇندە جەل 15-22 م/س كۇشەيەدى.
جامبىل وبلىسىنىڭ كەي جەرلەرىندە نايزاعاي، تۇمان كۇتىلەدى، بۇرشاق بولۋى مۇمكىن، جەلدىڭ جىلدامدىعى 23-28 م/س جەتۋى ىقتيمال.
