ساتۋشىلاردىڭ ايتپايتىن 3 قۇپياسى

 استانا. قازاقپارات - ساۋدا- ساتتىق جاساۋ كەزىندە ءسىز بەن ءبىز اڭعارمايتىن، ساتۋشىلاردىڭ تۇتىنۋشىعا بىلدىرمەي جاسىرىپ قالاتىن ءوز قۇپيالارى بولادى.

 سەبەبى ولاردىڭ بۇل قۇپياسى ولارعا جانە دۇكەن يەسىنە پايدا اكەلەدى. شىندىعىندا ءسىز كوپ اقشا جۇمساۋ ءۇشىن دۇكەن قىزمەتكەرلەرى ءتۇرلى ايلا- تاسىلگە بارادى.

 1. جەڭىلدىكتەر جەڭىلدىك -  بار بولعانى ءسىزدىڭ قالتاڭىزدى قاعىپ الۋدى ويلاعان ءادىس قانا. ياعني كوپ زات ساتىپ الۋ ارقىلى، كوپ اقشا جۇمساۋ. سوندا جەڭىلدىكتىڭ سىرى نەدە؟ بىرىنشىدەن، دۇكەن يەسى جەڭىلدىكتەر جاساعان كۇنگە دەيىن الاتىن بۇيىمداردىڭ باعاسىن قىمباتقا ساتادى. ال -30 جانە - %70 جەڭىلدىكتەر دەپ ساتقان كۇنى ول بۇرىنعى ءوز باعاسىنا تۇسىرەدى. ياعني ەشقانداي جەڭىلدىك جوق. تەك كوتەرىپ تاستاعان باعاسىن قايتا قالپىنا كەلتىرەدى. ەكىنشىدەن، -70 پەن -%90 جەڭىلدىكتەر تەك ءبىر- ەكى زاتقا بولۋى مۇمكىن. قالعان زاتتاردىڭ ءبارى -5 پەن -% 10 اراسىندا جەڭىلدىكپەن ساتىلادى. سوندىقتان كوز تارتىپ تۇرعان ساندارعا، جەڭىلدىكتەرگە ۇرىنا بەرمەڭىز. جەڭىلدىك پايدانى دۇكەنگە اكەلەدى، سىزگە ەمەس.

 2. كيىم ولشەمدەرى ءاربىر برەند كيىمدەردىڭ ءوز ولشەمى بولادى. ماسەلەن 46-48 دەگەن نەمەسە S جانە M ارىپتەرىمەن بەلگىلەنەتىن ءبىرىڭعاي قالىپتى ولشەمدەر تىزبەگى. سوندىقتان بولار كەيبىر برەند ماركالى كيىم ۇلگىلەرىنىڭ L ولشەمى، كەلەسى ءبىر كيىمنىڭ S ولشەمىمەن سايكەس كەلۋى مۇمكىن. ياعني بىردەي كيىم، بىردەي ءونىم ءبىراق ولشەمدەرى باسقا بولۋى مۇمكىن.

 3. حيميالىق قوسپالار كيىم ءوندىرۋشى سەحتەر، برەند كومپانيالار قانشا جەردەن تەرى ءونىمى دەپ كيىم تۇرلەرىن شىعارىپ، قىمباتقا ساتقانىمەن ەسكەرەتىن ءبىر نارسە بار. ول كەز كەلگەن كيىمدە حيميالىق قوسپانىڭ بولاتىندىعى جانە ولاردىڭ قاۋىپتى ەكەنى. دۇكەنگە بارعان كەزدە، جاڭا كيىمدى سىناپ كورۋ ءۇشىن جالاڭ دەنەڭىزگە ەشقاشان كيمەڭىز. ىشىندە جۇقا بىردەڭە بولعانى ابزال. سەبەبى ول كيىمدى ءسىز عانا ەمەس، باسقا ادامدار دا ولشەپ كوردى.

دۇكەنگە بارعان كەزدە ەستە ۇستايتىن 3 نارسە: -  قىمبات ونىمگە جۇگىرۋدىڭ قاجەتى جوق. سىزگە جاراسىپ تۇرسا جانە ساپاسى جاقسى بولسا كيىڭىز. سەبەبى باعا قۇبىلمالى، ال ساپا بىردەي.

-  تەرىگە جابىسىپ تۇراتىن سينتەتيكالىق كيىمدەردەن اۋلاق بولىڭىز. سەبەبى تەرى اۋرۋىن تۋدىراتىن وسىلار.

-  ساتۋشىدان ەشقاشان پىكىر سۇراماڭىز. ول ءۇشىن ءبارى كەرەمەت جانە جاراسامدى كورىنەدى. قاسىڭىزا دوسىڭىزدى نە قۇربىڭىزدى ەرتە بارىڭىز.

Massaget.kz