جىل باسىنان بەرى 3 مىڭنان استام جەمقور ۇستالدى
دەپ حابارلايدى قازاقپارات.
«جىل باسىنان بەرى ءبىز 3 مىڭنان استام جەمقورلىق فاكتىلەرىن انىقتادىق. ولاردىڭ باسىم بولىگى پارا الۋمەن، ۇرلاۋمەن جانە لاۋازىمدى تۇلعالار تاراپىنان قىزمەتتەرىن اسىرا پايدالانۋمەن بايلانىستى بولىپ وتىر. جەمقورلىققا ىشكى ىستەر ورگاندارىنىڭ قىزمەتكەرلەرى، اكىمدىكتەردىڭ، سونىمەن قاتار مەملەكەتتىك كىرىستەر ورگاندارىنىڭ لاۋازىمدى قىزمەتكەرلەرى بەيىم. بۇگىنگى كۇنى قىلمىستىق ىستەردىڭ جارتىسىنان كوبى سوتقا جىبەرىلدى»، - دەدى ول.
ونىڭ ايتۋىنشا، سىبايلاس جەمقورلىققا قارسى ءىس- قيمىل ۇلتتىق بيۋروسى ءاربىر ءىستى بۇگە- شىگەسىنە دەيىن تىڭعىلىقتى تەرگەيدى. سونىڭ ناتيجەسىندە تەرگەۋ ورگاندارىمەن ىمىراعا كەلىپ، جاساعان قىلمىستارىن مويىنداۋشىلاردىڭ قاتارى مول.
«جەمقورلىق ارەكەتكە بارعانى ءۇشىن 947 ادام قىلمىستىق جاۋاپكەرشىلىككە تارتىلۋدا. ولاردىڭ قاتارىندا بۇرىنعى ۇلتتىق ەكونوميكا ءمينيسترى بيشىمبايەۆ، گەولوگيا جانە جەر قويناۋىن پايدالانۋ كوميتەتىنىڭ ءتوراعاسى نۇرابايەۆ، ونىڭ ورىنباسارى قۇربانوۆ، «بايتەرەك» ا ق ءتوراعاسى جاقسىبايەۆ، ونىڭ ورىنباسارى جاقىپوۆ، دەنساۋلىق ساقتاۋ مينيسترلىگى فارماتسيا كوميتەتىنىڭ بۇرىنعى ءتوراعاسى پاك، «س ك فارماتسيا» ءتوراعاسى كاساتكين جانە باسقا دا تۇلعالار بار»، - دەدى سەرىكبايەۆ.
اۆتور: مارلان جيەمباي
