ازيا ويىندارىندا قازاقستان قۇراماسى 3-ورىنعا كوتەرىلدى

استانا. قازاقپارات - قازاقستاندىق سپورتشىلار اشحاباد قالاسىندا جاۋىنگەرلىك ونەر تۇرلەرى بويىنشا جابىق عيماراتتا ءوتىپ جاتقان V ازيا ويىندارىندا ءساتتى ونەر كورسەتۋدە.

كەشە سپورتشىلار ەل قورجىنىنا 3 «التىن»، 3 «كۇمىس»، 4 «قولا» مەدال سالدى، دەپ حابارلايدى قازاقپارات ءتىلشىسى.

ايەلدەر اراسىندا 60 مەترگە جۇگىرۋدە ۆيكتوريا زيابكينا 7.32 سەكۋندتىق ناتيجەمەن التىن، ولگا سافرونوۆا (7.43 سەكۋند) قولا مەدال جەڭىپ الدى. سونداي-اق، ايەلدەر اراسىندا 400 مەترگە جۇگىرۋ سىنىندا وتانداسىمىز ەلەنا ميكينا الدىنا جان سالمادى.

ەلەنا 53.37 سەكۋندتىق ناتيجەمەن جەڭىمپاز اتاندى. ال ەرلەر اراسىنداعى باسەكەدە ميحايل ليتۆين (46.51 سەكۋند) ءۇشىنشى ورىندى قاناعات تۇتتى. بۇعان دەيىن ولگا رىپاكوۆا مەن ماريا وۆچيننيكوۆا ايەلدەر اراسىندا ءۇش قارعىپ سەكىرۋدەن 1 التىن، 1 كۇمىس مەدال ەنشىلەگەن بولاتىن.

سونىمەن ازيا ويىندارىنىڭ ءتورتىنشى كۇنگى قورىتىندىسى بويىنشا، قازاقستان 3-ورىندا.

1. تۇرىكمەنستان - 89 (43-28-18)

2. يران - 26 (7-4-15)

3. قازاقستان - 22 (6-6-10).

ايتا كەتەيىك، كەشە قازاقستان قۇراماسى جالپى ەسەپتە 5-ورىندا بولعان ەدى.

اۆتور: مۇحتار قاليموللا ۇلى