ەلىمىزدىڭ سەگىز وڭىرىندە -3 گرادۋسقا دەيىن ۇسىك جۇرەدى

استانا. قازاقپارات - «قازگيدرومەت» ر م ك اۋا رايىنىڭ بۇزىلۋىنا بايلانىستى استانا قالاسىندا، اقمولا، اقتوبە، سولتۇستىك قازاقستان، قاراعاندى، پاۆلودار، قوستاناي جانە شىعىس قازاقستان وبلىستارىندا ەسكەرتۋ جاريالادى، دەپ حابارلايدى قازاقپارات.

اتاپ ايتقاندا، 12 -قىركۇيەك كۇنى استانا قالاسىندا سولتۇستىك- باتىستان سوققان جەلدىڭ ەكپىنى 15-20 م/س كۇشەيەدى. 13-14 -قىركۇيەك كۇندەرى تۇندە توپىراق بەتىندە 2 گرادۋسقا دەيىن ۇسىك كۇتىلەدى.

12- قىركۇيەكتە قوستاناي وبلىسىنىڭ كەي جەرلەرىن تۇمان باسادى، جاۋىن- شاشىن جاۋىپ، ونىڭ سوڭى قارعا ۇلاسادى. سولتۇستىك- باتىستان، باتىستان 15-20 م/س ەكپىنمەن سوققان جەلدىڭ جىلدامدىعى 23-28 م/س- قا جەتۋى مۇمكىن. 12-13 -قىركۇيەك كۇندەرى تۇندە كەي جەرلەردە 3 گرادۋسقا دەيىن ۇسىك كۇتىلەدى.

12 -قىركۇيەكتە سولتۇستىك قازاقستان وبلىسىندا قار ارالاس جاڭبىر جاۋادى، تۇندە كەي جەرلەردە مينۋس 3 گرادۋسقا دەيىن ۇسىك جۇرەدى. سولتۇستىك- باتىستان سوعاتىن جەلدىڭ كۇشى 15-20, كەي جەرلەردە 23-28 م/س جەتۋى ىقتيمال. پەتروپاۆل قالاسىندا 12 -قىركۇيەك كۇنى تۇندە توپىراق بەتىندە مينۋس 3 گرادۋسقا دەيىن ۇسىك كۇتىلەدى. سولتۇستىك- باتىستان سوعاتىن جەلدىڭ ەكپىنى 15-20، كەي اۋماقتاردا 23 م/س ارتادى.

12-13 -قىركۇيەك كۇندەرى شىعىس قازاقستان وبلىسىندا جاڭبىر تۇرىندەگى جاۋىن- شاشىن كۇتىلەدى، كەي جەرلەردە قاتتى جاۋادى، جەلدىڭ ەكپىنى 23-28 م/س كۇشەيۋى مۇمكىن. 13-14 -قىركۇيەك كۇندەرى تۇندە شىعىس قازاقستان وبلىسىنىڭ كەي جەرلەرىندە -3 گرادۋسقا دەيىن ۇسىك كۇتىلەدى.

12-13 -قىركۇيەك كۇندەرى اقمولا، سولتۇستىك قازاقستان، قوستاناي، قاراعاندى، پاۆلودار، شىعىس قازاقستان وبلىستارىندا جاۋىن- شاشىن (جاڭبىر) كۇتىلەدى، كەي جەرلەردە قاتتى جاۋادى، 12 -قىركۇيەكتە سولتۇستىك- باتىستان، باتىستان 15-20 م/س ەكپىنمەن سوققان جەلدىڭ جىلدامدىعى كەي جەرلەردە 23-28 م/س كۇشەيەدى. تۇندە 12 -قىركۇيەكتە اقتوبە، 12-13 -قىركۇيەكتە قوستاناي، سولتۇستىك قازاقستان، 13-14 -قىركۇيەكتە اقمولا، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە -3 گرادۋس ۇسىك كۇتىلەدى.