ومبى وبلىسىندا ارحەولوگتار 3 مىڭ جىل بۇرىنعى قارۋلى ساربازدىڭ قابىرىن تاپتى
استانا. قازاقپارات - ومبى وبلىسىندا مادەني نىسانعا جوندەۋ جۇمىستارىن جۇرگىزۋ بارىسىندا ارحەولوگتار شامامەن 3 مىڭ جىل بۇرىنعى بىرنەشە مولانى تاپتى.
ونىڭ ىشىندە قارۋلى سارباز قابىرى بار. ودان قارۋ، اشەكەي، باسقا دا قولادان جاسالعان زاتتار شىقتى.
تابىلعان زاتتاردان، مامانداردىڭ ايتۋىنشا، جەرلەنگەن ساربازدىڭ ءوز ورتاسىندا قادىرلى نەمەسە اتاقتى ادام بولعانى بايقالادى.
«جەرلەۋ ءراسىمىنىڭ تاعى ءبىر قىزىقتى ەرەكشەلىگى: سارباز ايقاسقا ازىرلەنگەندەي جەرلەنگەن - ول قانجار مەن پىشاقتى قولىنا جاۋعا شاباتىنداي قىسىپ ۇستاعان، ال ونىڭ قاسىندا بالتا جاتىر»، دەپ جازادى ومبى وبلىسى ۇكىمەتىنىڭ باسپا ءسوز قىزمەتىنە سىلتەمە جاساعان «ۋترو. رۋ».
