استانادا قالا كۇنىنە وراي 3 اۋقىمدى فەستيۆال وتەدى
استانا قالاسىنىڭ تۇرعىندارى مەن قوناقتارى «شاشۋ» حالىقتىق ءبيى ءانسامبلىنىڭ 2 - حالىقارالىق فەستيۆالىنە، «استانا سامالى» اتتى VIII حالىقارالىق ۇرمەلى وركەستر فەستيۆالىنە، «سەرپەر» قازاق حالىق اسپاپتار وركەسترى رەسپۋبليكالىق فەستيۆالىنىڭ مەرەكەلىك باعدارلاماسىنا كوزايىم بولا الادى.
بيىل «شاشۋ» حالىقتىق ءبيى ءانسامبلىنىڭ حالىقارالىق فەستيۆالى قالالىق الاڭدا 1-3 - شىلدە ارالىعىندا وتكىزىلەدى. فەستيۆالگە قازاقستاننىڭ جەتەكشى ۇجىمدارى قاتىسادى، اتاپ ايتقاندا:
«شالقىما»، استانا؛ «نازەركە»، ورال؛ «توميريس»، قىزىلوردا، «التىناي»، تالدىقورگان)، سونداي- اق قىرعىزستاننىڭ («اقمارال» )، باشكيريا مەملەكەتىنىڭ (ستەرليتاماك مەملەكەتتىك بي ءانسامبلى)، رەسەيدىڭ («وگونكي» ). وتكىزگەلى وتىرعان ۇرمەلى اسپاپتار وركەسترىنىڭ فەستيۆالى اياسىندا استانا قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ ۇجىمى، وعان قوسا ق ر ۇلتتىق گۆاردياسىنىڭ وركەسترى، پەتروپاۆل ۇلتتىق گۆارديا ينستيتۋتىنىڭ ۇرمەلى اسپاپتار وركەسترى، ورىنبور (رەسەي) قالاسى مۋنيتسيپالدىق ۇرمەلى اسپاپتار وركەسترى ءوز ونەرلەرىن پاش ەتەدى. كونسەرت 4 - شىلدەدە «بايتەرەك» مونۋمەنتى الدىندا ساعات 21.00-دە اشىلادى. 5 - شىلدەدە ساعات 10.00-دە ءتۇرلى ۇجىمدار قالانىڭ ورتالىق ساياباقتارى مەن وزگە دە الاڭدارىندا مەرەكەلىك باعدارلاماسىن ۇسىنادى. سول كۇنى، 5 - شىلدەدە ساعات 19.30-دا «بايتەرەك» مونۋمەنتى الاڭىنىڭ ساحناسىندا بەند- مارافون وتەدى. 6 - شىلدەدە ساعات 10.00-دە رەسپۋبليكا داڭعىلى بويىنشا اسكەري- تاريحي مۇراجايىنان باستاپ «جاستار» سارايىنا دەيىن جالعاساتىن پارادتا «استانا سامالى 2017» فەستيۆالىنىڭ بارلىق ۇجىمدارى ونەر كورسەتەدى. سول كۇنى، 6 - شىلدەدە ساعات 16.00-دە اكىمدىكتىڭ الدىنداعى الاڭدا بارلىق وركەسترلەردىڭ پلاتس- كونسەرتى وتەدى.
«سەرپەر» قازاق حالىق اسپاپتار وركەسترىنىڭ V رەسپۋبليكالىق فەستيۆالى 4-6 - شىلدە ارالىعىندا وتەدى. فەستيۆالدىڭ اشىلۋى 4 - شىلدە كۇنى ساعات 19.00-دە «بايتەرەك» مونۋمەنتى الاڭىندا بولادى. 5 - شىلدەدە استانالىق، ستۋدەنتتىك جانە «جەرۇيىق» ساياباعىندا ساعات 11.00-دەن باستاپ فەستيۆال قاتىسۋشىلارىنىڭ كونسەرتى باستالادى. سول كۇنى، ياعني 5- شىلدەدە ساعات 17.00-دە «بايتەرەك» مونۋمەنتى الاڭىندا «كۇي كەرۋەن» كونسەرتى باستالادى، كورەرمەندەر اقتوبە قالاسىنىڭ ع. جۇبانوۆا اتىنداعى حالىقتىق اسپاپتار وركەسترىنىڭ، قاراعاندى قالاسىنىڭ تاتتىمبەت اتىنداعى قازاق ۇلتتىق اسپاپتار وركەسترى مەن نوۆوءسىبىر قالاسىنىڭ ورىس اكادەميالىق وركەسترىنىڭ مەرەكەلىك باعدارلاماسىمەن تانىس بولادى. 6 - شىلدەدە ساعات 13.00-دە قالالىق الاڭدا استانا كۇنىنە ارنالعان «سەرپەر» قازاق حالىق اسپاپتار وركەسترى V رەسپۋبليكالىق فەستيۆالىنىڭ گالا- كونسەرتى وتەدى. گالا- كونسەرتتە كورەرمەندەر «سەرپەر» جانە «سارى ارقا» وركەسترىنىڭ ەڭ تانىمال كۇيلەرىن تىڭداي الادى. ولار ديريجەر ايتقالي جايىموۆتىڭ باسقارۋىمەن 200 مۋزىكانتتىڭ ءتۇرلى اسپاپتارمەن سۇيەمەلدەۋىندە ونەر كورسەتپەك.
