قازاقشا «كولىكتەر-3» وتاندىق پروكاتقا شىقتى

 الماتى. قازاقپارات - «ماككۋيننىڭ» شىتىرمان وقيعالارى قازاقشا جالعاساتىن بولدى، دەپ حابارلايدى قازاقپارات ءتىلشىسى.

 الماتىدا الماتى قالاسىندا «Esentai Mall»  ورتالىعىنداعى Kinopark 11-دە «كولىكتەر 3» مۋلتفيلمىنىڭ قازاق تىلىندەگى الدىن الا جابىق كورسەتىلىمى ءوتتى. جاڭا مۋلتفيلم 15 - ماۋسىمدا ەلىمىزدىڭ كينوتەاترلارىندا پروكاتقا شىعادى.

 ايتا كەتۋ كەرەك، «كولىكتەر 3» انيماتسيالىق بلوكباستەر - قازاق تىلىنە دۋبلياج جاسالعان 20- كينوكارتينا. ونىڭ الدىندا 2011 -جىلى مۋلتفيلمنىڭ ەكىنشى ءبولىمى دۋبلياجدالعان بولاتىن. الەمگە ايگىلى نايزاعاي ماككۋين ەندى دجەكسون داۋىلعا اينالدى.

 «بۇل جوبا قازاقستاندىقتارعا الەمدىك Disney, Sony, Marvell ، Lucas ستۋديالارىنىڭ ساپالى ونىمدەرىن تاماشالاۋعا مۇمكىندىك بەرەدى. فيلمدەردى ءبىز «مەلومان» جانە Disney كومپانيالارىمەن بىرىگە وتىرىپ تاڭدايمىز. ۋاقىت وتە بۇل ءوزىن- ءوزى اقتايتىن جوبالار. قازاق تىلىندەگى مۋلتفيلمدەر -  بالالارعا قازاق ءتىلىن ۇيرەنۋدىڭ ءتيىمدى قۇرالى. سونداي- اق، ءبىزدىڭ جوبامىز مەملەكەتتىك ءتىلدى دامىتۋ تۋرالى باعدارلامانىڭ ماقساتىمەن سايكەسەدى»، - دەدى «بولاشاق» كورپوراتيۆتى قورىنىڭ ديرەكتورى دينارا ءشايجۇنىسوۆا.

 قازاق تىلىندەگى دۋبلياجىنىڭ رەجيسسەرى ايجان جامشيتوۆا بولدى. باس كەيىپكەرلەردىڭ داۋسىن نىشانبەك جۇبانايەۆ (نايزاعاي ماككۋين)، ازامات قاناپيا (مەتر)، سايا توقمانعاليەۆا (كرۋز راميرەز)، سىرىم قاشقابايەۆ (دجەكسون شتورم)، نارتاي ساۋدانبەك ۇلى (سموكي مو) جانە مارجان اراپبايەۆا مەن نۇركەن وتەۋلوۆ كەلتىردى.

 2011 -جىلدان بەرى 20 كينوكارتينا قازاق تىلىنە اۋدارىلدى. وسى ۋاقىت ارالىعىندا 150 تەحنيكالىق جانە شىعارماشىلىق مامان، ونىڭ ىشىندە 4 رەجيسسەر، 158 اكتەر، 11 مۋزىكالىق جەتەكشى، اۋدارماشىلار Disney ستۋدياسىنىڭ ستاندارتىنا ساي جۇمىس ىستەپ ۇيرەندى. ەڭ العاشقى بولىپ ۋيل سميتتىڭ «قارا كيىمدىلەر-3» فيلمىنىڭ جۇلدىزدارى، دجونني دەپتىڭ «جالعىز رەيندجەرى»، ا. دجوليدىڭ «مالەفيسەنتاسى» قازاقشا سويلەدى. كوبىنە بالالارعا ارنالعان الەمدىك شەديەۆرلەر «كولىكتەر»، «باتىل جۇرەك»، «موانا»، «كۇلبيكە»، «مونسترلار ۋنيۆەرسيتەتى»، «اليسا»، «دجۋنگلي كىتابى»، «مالەفيسەنتا»، «ورمەكشى- ادام» قازاقشا دۋبلياجدالدى.

دينارا ءشايجۇنىسوۆانىڭ ايتۋىنشا، جوبانىڭ ارقاسىندا گولليۆۋد جۇلدىزدارى دجونني دەپتىڭ (بەرىك ايتجانوۆ)، اندجەلينا دجوليدىڭ (گۇلناز اۋەسباي)، ۋيل ءسميتتىڭ (ازامات قاناپيا) داۋىستارىن دىبىستاۋعا 6 جىلعا ەكسكليۋزيۆتى قۇقىعى. سونداي- اق، Disney كومپانياسىنىڭ داۋىس بازاسىندا قازاقستاندىق 100 اكتەردىڭ داۋسى ساقتاۋلى. 2017 -جىلدان بەرى Disney ستۋدياسىندا دىبىستالىپ كەلە جاتقان قازاق ءتىلدى فيلمدەردە Apple TV Itunes Movies رەسمي قوسىمشاسىنىڭ ۆيدەوحوستينگىندە جازىلعان قازاق تىلىندە دىبىستىق قوسىمشا قويىلعان. «جوعارى تەحنولوگيالىق دۋبلياجدىڭ ارقاسىندا ورتاشا قۇنى 250 ميلليون دوللار بولاتىن الەمدىك بلوكباستەرلەر ۇلتتىق ونىمىمىزگە اينالدى. قازاق ءتىلى 2 تۇرىك ءتىلى، Sony ءPicturesتىڭ 7- ءتىلى، Walt Disneyدىڭ 39-تىلىنە اينالدى. سونداي- اق، DVD، Blu-Ray فورماتتارىندا كورسەتىلەتىن گولليۆۋد فيلمدەرىنىڭ 7-تىلىنە اينالدى»، - دەدى د. ءشايجۇنىسوۆا.

 اۆتور: گۇلميرا عوسمانالي