قىتايدان «سامۇرىق-قازىنا» قورى 3 ميلليارد دوللار قارىز الماقشى
بۇل تۋرالى كومپانيانىڭ باسقارما ءتوراعاسى ءومىرزاق شوكەيەۆ مالىمدەدى دەپ حابارلايدى «استانا» ارناسى.
قىتاي تاراپى مۇنى «ءبىر بەلدەۋ، ءبىر جول» اياسىندا وتكەن فورۋمدا ۇسىنعان. ەشقانداي جوباعا بايلانباعان نەسيەنى، كەيىن كەز كەلگەن جوبالارعا سالۋعا بولادى. كەشە قور باسشىلىعى ماجىلىستە ەسەپ بەردى. دەپۋتاتتاردىڭ كوپشىلىگى قوردىڭ سىرتقى قارىزىنا قاتىستى الاڭداۋشىلىق تانىتۋدا.
بىلتىر ونىڭ كولەمى 9 تريلليون 938 ميلليارد تەڭگەنى نەمەسە $29,8 ميلليارد قۇراعان. ياعني كۆازيمەملەكەتتىك سەكتوردىڭ بارلىق قارىزىنىڭ %70 شاماسىندا. شارت بويىنشا قارىزدىڭ تەڭ جارتىسى الداعى 5 جىلدا قايتارىلۋى كەرەك.
«قىتايدىڭ دامۋ بانكى جۇمساق شارتتارمەن بىزگە 3 ميلليارد دوللار قارىز بەرۋگە وزدەرى ىقىلاس ءبىلدىرىپ وتىر. ءبىز ءوزىمىزدىڭ كەرەكتى جوبالارىمىزعا پايدالانا الامىز»، - دەيدى «سامۇرىق-قازىنا» ۇ ءا ق» ا ق باسقارما ءتوراعاسى ءومىرزاق شوكەيەۆ.
قور بىلتىر 575 ميلليارد تەڭگە پايدا تاپقان. مۇناي-گاز جانە كەن ءوندىرۋ قىزمەتى ەسەبىنەن - 510 ميلليارد تەڭگە، تەلەكوممۋنيكاتسيا سەكتورى ەسەبىنەن - 56 ميلليارد تەڭگە. ال جىل سايىن 320 ميلليارد قارىزداردىڭ پايىزىن جابۋعا كەتەدى.