تۇرسىن جۇرتبايدىڭ الاش قوزعالىسىنا ارنالعان 3 تومدىق قۇجاتتار جيناعى تانىستىرىلادى
«ەل-شەجىرە» قوعامدىق قورى شىعارعان عالىم-جازۋشى تۇرسىن جۇرتبايدىڭ «دۆيجەنيە الاش» اتتى 3 تومدىق قۇجاتتار جيناعى مەن بولات ءمۇرسالىمنىڭ «الاشوردا» فوتوالبومىنىڭ تانىستىرىلىمى وتەدى، دەپ حابارلايدى قازاقپارات.
شارانىڭ ماقساتى الاش قايراتكەرلەرىنىڭ ءومىرى مەن قىزمەتىن ۇلىقتاۋ، ۇلت-ازاتتىق جولىنداعى قوزعالىستىڭ ءمانى مەن ماڭىزىن كورسەتۋ، الاش ارىستارىنىڭ ەڭبەگىن ناسيحاتتاۋ جانە ماڭگىلىككە قالدىرۋ.
الاش قوزعالىسى وتارلىق بيلىك جۇيەسىنە قارسى باعىتتالعان ۇلت-ازاتتىق قوزعالىس ەكەنى بەلگىلى.
الاش قايراتكەرلەرىنىڭ باستى ماقساتى - تاۋەلسىز قازاق مەملەكەتىن قۇرۋ. قوزعالىس كوشباسشىلارىنىڭ الدىندا قازاقتاردى وتارلىقتان بوساتۋ جانە الەمدىك ەڭ وركەنيەتتى ەلدەردىڭ قاۋىمداستىعىنا كىرۋ دەگەن ماقساتتار قويىلعان.
«الاش» قوزعالىسىنىڭ ماقسات- مۇددەلەرى بۇگىنگى تاۋەلسىز قازاقستاننىڭ ساياسي-الەۋمەتتىك جانە رۋحاني-مادەني دامۋ باعدارلارىنا تولىق سايكەس كەلەدى. ب. ءمۇرسالىمنىڭ «الاشوردا» فوتوالبومىندا الاش ارىستارىنىڭ ءومىرى مەن قىزمەتى فوتودەرەكتەر ارقىلى كورسەتىلسە، ت. جۇرتبايدىڭ «دۆيجەنيە الاش» اتتى 3 تومدىق جيناعى ارحيۆتەگى قۇپيا قۇجاتتار مەن سوت ماتەريالدارى نەگىزىندە قۇراستىرىلعان.
تانىستىرىلىم بارىسىندا «قازاقستان» ر ت ر ك» ا ق باسقارما ءتوراعاسى ەرلان قارين، قازاقستاننىڭ ەڭبەك سىڭىرگەن قايراتكەرى، فيلولوگيا عىلىمدارىنىڭ دوكتورى ءنامازالى وماشەۆ ءسوز سويلەيدى.
شاراعا الەۋمەتتىك ماڭىزى بار جوباعا قارجىلىق قولداۋ كورسەتكەن «سامۇرىق-قازىنا» ۇلتتىق ءال-اۋقات قورى» ا ق وكىلدەرى جانە «ەل-شەجىرە»، «دەگدار» قوعامدىق كەلىسىمدى قولداۋ قوعامدىق قورىنىڭ قىزمەتكەرلەرى، وتاندىق جانە شەتەلدىك عالىمدار، زيالى قاۋىم، ج و و وقىتۋشىلارى مەن ستۋدەنتتەر، سونداي-اق ب ا ق وكىلدەرى قاتىسادى.
ايتا كەتەرلىگى، جيناقتاردى «سامۇرىق-قازىنا» ۇلتتىق ءال-اۋقات قورىنىڭ قارجىلىق قولداۋىمەن «ەل-شەجىرە» قايىرىمدىلىق قورى شىعارعان.
اۆتور: مارلان جيەمباي
