استانادا ىزدەۋدە جۇرگەن 3 قىلمىسكەر ۇستالدى
اتالعان شارانىڭ العاشقى كۇنىندە كوپتەن بەرى ىزدەۋدە جۇرگەن ءۇش قىلمىسكەر ۇستالدى، دەپ حابارلايدى «قازاقپارات» ح ا ا.
استانا قالاسى ءى ءى د باسپا ءسوز قىزمەتى تاراتقان مالىمەتكە سايكەس، قۇقىقتىق شاراعا مىڭنان اسا پوليتسيا قىزمەتكەرلەرى، ق ر ۇلتتىق گۆارديا اسكەرلەرى مەن باسقا دا مەملەكەتتىك ورگانداردىڭ قىزمەتكەرلەرى جۇمىلدىرىلدى.
قوعامدىق ءتارتىپ بۇزۋشىلىقتارىن بولدىرماۋ جانە قىلمىستىڭ الدىن الۋ ماقساتتارىندا قالا كوشەلەرى مەن كوپ پاتەرلى تۇرعىن ءۇي اۋلالارىندا جانە ساياجاي اۋماعىندا پوليتسيانىڭ قاداعالاۋى كۇشەيتىلدى.
ج پ ش اياسىندا ەلوردالىق پوليتسيا قىزمەتكەرلەرى ازاماتتاردىڭ كوشى-قون زاڭناما تالاپتارىن بۇزۋ فاكتىلەرىن انىقتاۋ، پوليتسيا قىزمەتىندە ەسەپتە تۇرعان ازاماتتاردى تۇرعىلىقتى جەرى بويىنشا تەكسەرۋ جۇمىستارىن اتقارۋدا.
ايتالىق، «قۇقىقتىق ءتارتىپ» جەدەل-پروفيلاكتيكالىق ءىس-شاراسىنىڭ العاشقى كۇنىنىڭ وزىندە كوپتەن بەرى ىزدەۋدە جۇرگەن 3 قىلمىسكەر ۇستالدى، 980 نەن اسا اكىمشىلىك قۇقىق بۇزۋشىلىق جاعدايلارى انىقتالدى.
ولاردىڭ اراسىندا قوعامدىق ورىنداردا ىشىمدىك ءىشۋ، كولىك جىلدامدىعىن اسىرۋ، كولىكتە قاۋىپسىزدىك بەلدىگىن تاقپاۋ سياقتى فاكتىلەر بار. سونداي-اق، جۇرگىزىلىپ جاتقان شارا كەزىندە تۇراتىن جەرى انىقتالماعان 57 ازامات ۋاقىتشا بەيىمدەۋ ورتالىعىنا جەتكىزىلدى، 23 شەتەل ازاماتىنىڭ قازاقستانعا كەلۋدىڭ بەكىتىلگەن ەرەجەلەرىن بۇزعانى انىقتالدى. 75 ازاماتتىق قارۋ يەسى سايكەس تەكسەرىستەن ءوتتى.
