استانانىڭ سۋ رەتتەگىشى 3 كۇندە لىق تولىپ، قالاعا قاۋىپ ءتوندىرۋى مۇمكىن - قاسىموۆ

  «استانا سۋ قويماسىنان سۋ اعىزۋ كولەمىن سەكۋندىنا 40-تان  1200 تەكشە مەترگە دەيىن، ياعني 30 ەسەگە كۇرت ارتتىرۋدىڭ ناتيجەسىندە اقمولا وبلىسىنىڭ ارشالى اۋدانىنا قاراستى ءبىر ەلدى مەكەندى سۋ باستى. ەلوردانى جانە قالا ماڭىنداعى ەلدى مەكەندەردى سۋ باسۋىنا جول بەرمەۋ ءۇشىن تاسقىن سۋدى استانا سۋ رەتتەگىشىنە بۇرۋ باستالدى. سۋ رەتتەگىشكە 132 ميلليون تەكشە مەتر سۋ قۇيىلدى، شەكتى نورما 450 ميلليون تەكشە مەتر»، - دەدى قاسىموۆ.

ونىڭ سوزىنە قاراعاندا، استانا سۋ رەتتەگىشىنە سۋ قۇيىلۋ دەڭگەيىنىڭ جوعارى شەگى ساقتالعان جاعدايدا ول الداعى 3 كۇننىڭ ىشىندە لىق تولىپ، بوگەتتى بۇزۋ قاۋپى تۋىندايدى.

«وسىعان بايلانىستى سۋدىڭ ارتىق كولەمىن استانا جانە اقمولا وبلىسىنىڭ تومەندە ورنالاسقان ەلدى مەكەندەرى ارقىلى قاۋىپسىز اعىزۋ بويىنشا شۇعىل شارالار قابىلداۋ قاجەت. بۇل ماسەلەنى كەشە جانە بۇگىن اۋىل شارۋاشىلىعى مينيسترلىگىمەن، استانا قالاسى اكىمدىگىمەن قاراستىردىق»، - دەدى مينيستر.

اۆتور: مارلان جيەمباي