مىنا 3 ەرەجەنى ەسكەرسەڭىز، سۇيىكتىڭىزبەن مۇلدەم ۇرىسپايسىز

استانا. قازاقپارات - ۋاقىت وتە كەلە عاشىقتار وزدەرىنىڭ ءار ءسوزىن باقىلاۋدى دوعارادى. وسىلايشا ولار سۇيىكتىسىن رەنجىتىپ، اۋىر سوزدەرمەن جانىنا جارا سالادى.

 ولاي بولسا، اراداعى جىلى قارىم- قاتىناستى ساقتاپ قالۋعا كومەكتەسەتىن قاراپايىم 3 ەرەجەنى ەسكەرە ءجۇرىڭىز.

نەنى قالامايتىنىڭىزدى ەمەس، نەنى قالايتىنىڭىزدى ايتۋعا تىرىسىڭىز

بولىمسىز سويلەم ادامنىڭ كوڭىلىن قالدىرادى. سول سەبەپتى ونى قالاۋلارىڭىزدى سيپاتتاۋدا مۇلدەم قولدانباڭىز. مۇنىمەن قاتار، بۇدان كەيىن سەرىگىڭىز ءوزىن قالاي ۇستارىن بىلمەي قالۋى مۇمكىن.

دۇرىس ەمەسى: «مەنى سەنىڭ 24 ساعات باقىلاعانىڭدى قالامايمىن» .

دۇرىسى: «ماعان سەنىم ارتقانىڭدى قالايمىن» .

  « ءبىراقتىڭ» ورنىنا «جانە» شىلاۋىن قولدانۋعا تىرىسىڭىز

ءيا، ءبىر قاراعاندا بۇل ەرەجەمىز وڭاي بولىپ كورىنۋى مۇمكىن. دەسە دە، ونى مەڭگەرۋ ءۇشىن كوپ ۋاقىت قاجەت. بۇل شىلاۋلار جانجالدىڭ الدىن الىپ، عاشىقتاردى دوستارتىرادى. ايىرماشىلىعىن ءوزىڭىز بايقاپ كورىڭىز:

دۇرىس ەمەسى: «مەن سەنى تۇسىنەمىن. ءبىراق سەنىڭ مەنى دە تۇسىنگەنىڭدى قالايمىن» .

دۇرىسى: «مەن سەنى تۇسىنەمىن جانە سەنىڭ مەنى تۇسىنگەنىڭدى قالايمىن» .

قوشەمەت سوزدەر مەن توسىن سىيلاردى قۋانىشپەن قابىل الىڭىز

كەي ادام ماقتان ءسوز ايتىلسا بولدى، ءوزى تۋرالى جاعىمسىز پىكىر ايتۋعا كىرىسىپ كەتەدى. مۇندايدى ءوزىڭىز دە بايقاعان شىعارسىز. بار ماسەلە ادامنىڭ ميىنىڭ قىزمەتىندە بولىپ وتىر. ول جاعىمسىز اقپاراتتى بىردەن قابىلدايدى. سول سەبەپتى، بىرەۋدى ماقتاعىڭىز كەلسە، قوشەمەت ءسوزىڭىز بەن سىنىڭىزدى ارالاستىرماڭىز. بۇل ەرەجەنىڭ سىندى ماقتامەن باۋىزداعانداي ەتىپ ايتۋعا ەش قاتىسى جوق ەكەنىن ەسكەرىڭىز.

دۇرىس ەمەسى: «كەشەگىگە قاراعاندا، بۇگىنگى تاماعىڭ دامدىرەك بولدى» .

دۇرىسى: «راحمەت، كەشكى اس وتە ءدامدى بولدى!»

وكىنىشكە وراي، ءسوزدىڭ قۇدىرەتىن جەتىك بىلە بەرمەيمىز. جالقاۋلىققا بوي الدىرىپ، جاعىمسىز ادەتتەرىمىزبەن كۇرەسپەيمىز. دەسە دە ەڭبەكتىڭ نانى ءتاتتى بولاتىنىن ۇمىتپايىق.

Stan.kz