20:52, 10 - اقپان 2017 | GMT +5
استانادا جاڭادان 3 مەديتسينالىق ورتالىق سالىنادى
استانا. قازاقپارات - ەلوردانىڭ شاعىن اۋداندارىندا باستاپقى مەديتسينالىق-سانيتارلىق كومەك كورسەتەتىن 3 ورتالىق سالۋ جوسپارلانۋدا.
بۇل جايىندا استانا قالالىق دەنساۋلىق ساقتاۋ باسقارماسىنان ءمالىم ەتتى، دەپ حابارلايدى قازاقپارات. تاراتىلعان اقپاراتتا قالالىق باسقارمانىڭ بيزنەس وكىلدەرىن دەنساۋلىق ساقتاۋ سالاسىنداعى مەملەكەتتىك- جەكەمەنشىك سەرىكتەستىك جوبالارىنا قاتىسۋعا شاقىراتىندىعى ايتىلعان.
«مىناداي 4 كونتسەسسيالىق جوبا ازىرلەندى: باستاپقى مەديتسينالىق- سانيتارلىق كومەك كورسەتەتىن 3 ورتالىقتى (جەلەزنودوروجنىي، كوكتال جانە ءوندىرىس) سالۋ جانە پايدالانۋعا بەرۋ، سونىمەن قاتار №1 -ەمحانانى جاڭعىرتۋ. ەگەر سىزدە اتالعان اۋداندا مەديتسينالىق نىسان سالۋعا مۇمكىنشىلىك بولسا، وندا ءوزىڭىز جايىندا مالىمەت بەرىپ، جوباعا قاتىسا الاسىز»، - دەيدى قالالىق دەنساۋلىق ساقتاۋ باسقارماسى بيزنەسمەندەرگە ارنالعان ۇندەۋىندە.
