ديماش قۇدايبەرگەن قىتايداعى بايقاۋدىڭ ءتورتىنشى كەزەڭىندە 3-ورىن الدى

استانا. قازاقپارات - ديماش قۇدايبەرگەن قىتايدا ءوتىپ جاتقان «مەن ءانشىمىن» بايقاۋىنىڭ ءتورتىنشى كەزەڭىندە ءۇشىنشى ورىن يەلەندى،

دەپ حابارلايدى «قازاقپارات» ح ا ا- نىڭ قىتايداعى ءتىلشىسى.

«ءبىرىنشى ورىندى «Lion» توبى، ەكىنشى ورىندى - لين يليان، ءۇشىنشى - ديماش، ءتورتىنشى - دۋ ليشا، بەسىنشى - چجان تسزە، التىنشى - تان جيڭ (ءۇشىنشى كەزەڭدە ءبىرىنشى ورىن العان بولاتىن) جانە جەتىنشى ورىندى چجاو لەي يەلەندى»، - دەپ حابارلايدى قىتايلىق ب ا ق.

«Weibo»الەۋمەتتىك جەلىسىندەگى ديماشتىڭ جۇمىس توبىنىڭ پاراقشاسىندا بايقاۋدىڭ 4-كەزەڭىندەگى سۋرەتتەر جاريالاندى. وندا ءارتىستىڭ ستيليسى BG Fashion، ۆيزاجيسى ءارى شاشتارازى DO Fashion ەكەندىگى جازىلعان.

ءانشىنىڭ كيىمى - Gucci 17SS، مويىنوراعىشى - Paul Smith 17SS، شلياپاسى - Albertus Swanepoel، اياق كيىمى - Gucci 17SS، جۇزىگى - H&M، بىلەزىگى جاپونيادان.

اۆتور: گۇلميرا الياكپاروۆا