قىتاي 3 ميللياردقا جۋىق جولاۋشى قاتىنايتىن مەرەكەگە ازىرلەنۋدە

استانا. قازاقپارات - قىتايدىڭ «كوكتەم مەرەكەسى» دەپ اتايتىن جاڭا جىلى بيىل 28 -قاڭتارعا تۋرا كەلەدى، دەپ حابارلايدى قازاقپارات.
None
None

قىتايدىڭ كوكتەم مەرەكەسى كەزىندە ساپارعا شىققانداردىڭ لەگى 13 -قاڭتاردان باستاپ 21 -اقپانعا دەيىن، ياعني 40 كۇنگە سوزىلادى.

ستاتيستيكا اگەنتتىگى وسى ارالىقتا ەلدەگى جولاۋشىلار تاسىمالى 2,9 ميللياردقا جەتەدى دەپ بولجاپ وتىر. بۇل وتكەن جىلعى مەرەكە كەزىندەگى جولاۋشىلار كولەمىنەن 2,2 پايىزعا ارتىق.

ولاردىڭ اراسىندا، تەمىر جول ارقىلى تاسىمالداناتىن جولاۋشىلار سانى 356 ميلليونعا جەتىپ، جاڭا رەكورد ورناتۋ مۇمكىن.

ەسكە سالا كەتسەك، قىتايلاردىڭ جاڭا جىلى - ەڭ اۋەلى وتباسىلىق مەرەكە. بۇل مەرەكە كۇنىن قىتايلار اتا- اناسى مەن باۋىرلارىنىڭ اراسىندا وتكىزۋگە تىرىسادى. سول سەبەپتەن دە قىتايلىقتار اۋىلدارىنا بارۋ ءۇشىن الدىن- الا جولعا دايىندالادى. سوندىقتان اۋە جانە تەمىر جول كاسسالارىنىڭ الدىندا بيلەت الۋعا تۇرعانداردىڭ ۇزاق- سونار كەزەگى پايدا بولادى.

مۇحتار مۇرات ۇلى

سوڭعى جاڭالىقتار