قازاقستاندا 3 ميلليون توننادان استام ارپا جينالدى

استانا. قازاقپارات - قازاقستاندا بۇگىنگى كۇنگە دەيىن 3263,6 مىڭ توننا ارپا جينالدى، دەپ حابارلايدى ق ر ا ش م باسپا ءسوز قىزمەتى.

بۇل كورسەتكىش بىلتىرعى ونىمىمەن سالىستىرعاندا 594 مىڭ تونناعا ارتىق.

ۇستىمىزدەگى جىلى ارپا  1897,2 مىڭ گ ا القاپقا ەگىلدى.

سونىمەن قاتار، رەسپۋبليكا بويىنشا قاراقۇمىق جيناۋ ناۋقانى اياقتالدى.

قورىتىندىلاي كەلگەندە، شارۋالار وسى ءونىم ءتۇرىنىڭ 100 مىڭ تونناسىن باستىردى. تۇسىمدىلىك 1 گ ا 10,1 سەنتنەردى قۇرادى.

ايتا كەتەيىك، ەلىمىزدىڭ 7 وبلىسىندا شارۋالار قاراقۇمىق ەگۋمەن اينالىسادى. نەگىزىندە رەسپۋبليكانىڭ سولتۇستىك وڭىرلەرىندە وسىرىلەدى.

تاعى ءبىر ايتا كەتەرلىك جايت، ق ر اۋىل شارۋاشىلىعىنىڭ ءبىرىنشى ۆيسە- ءمينيسترى ق. ايتۋعانوۆ ۇكىمەت وتىرىسىندا كەلەشەكتە ەگىس القاپتارىنىڭ قۇرىلىمىندا ايتارلىقتاي وزگەرىستەر بولاتىنىن ەسكەرتكەن ەدى. الداعى جىلدارى ەگىس القاپتارىنداعى استىق كولەمى 2 ميلليون گەكتارعا ازايىپ، مايلى داقىلدار ەگىسىنىڭ اۋقىمى ارتادى.