ميدىڭ جۇمىسىن جاقسارتۋدىڭ سۇننەتتەگى 3 جولى

استانا. قازاقپارات - كۇن سايىنعى ينتەرنەت، تەليەۆيزور، الەۋمەتتىك جەلىلەردەن كەرەكتى-كەرەكسىز اقپاراتتاردى قابىلداعان ميىمىز السىرەپ، جۇمىسى ناشارلايتىنى بەلگىلى.

وسىعان وراي عالىمدار ميدى تىنىقتىرىپ، ونىڭ جۇمىسىن جاقسارتۋدىڭ ءتۇرلى ادىستەرىن ويلاپ تابۋدا، دەپ جازادى islam.kz.

ال نەيروبيولوگتار نيۋبەرگە پەن ۋولدماننىڭ مىنا ءتيىمدى 3 ءادىسىن وسىدان ون ءتورت عاسىر بۇرىن ارداقتى پايعامبارىمىز (س. ع. س.) ايتىپ كەتكەن:

1.كۇلىمسىرەۋ. نەيرولوگيالىق تۇرعىدان العاندا جىميۋ مەن كۇلىمسىرەۋ مي قانتامىرلارىنىڭ جۇمىسىن جاقسارتىپ، دەنساۋلىقتى دا نىعايتادى. بۇلارمەن قوسا، سۇننەت بويىنشا، كۇلىمسىرەۋ - ساداقا ەكەندىگى بەلگىلى.

2.تەرەڭ ويلانۋ، وقۋ-بىلىمگە قۇشتارلىق. اللانى ءجيى ەسكە الۋ، تافاككۋر (تەرەڭ ويلانۋ)، شۇكىرشىلىك ەتۋ، وقۋ-بىلىمگە قۇشتار بولۋ - ەستە ساقتاۋ قابىلەتىن ارتتىرىپ، ميدىڭ جۇمىسىن جاقسارتۋدىڭ تاعى ءبىر جولى.

3.قۇلشىلىق. 5-10 مينۋتتىق ناماز، دۇعا ەتۋدىڭ ءوزى نەرۆ جۇيەلەرىنە وڭ اسەر ەتەدى: اعزادا انتيسترەسستىك گورموندار ارتىپ، تىنىشتاندىراتىن، دەپرەسسيادان ارىلتاتىن دوفامين، سەروتونين گورموندارى تۇزىلەدى، سايكەسىنشە، ادامنىڭ كوڭىل-كۇيى دە جاقسارادى.