الەمدەگى ەڭ قىمبات شاينەك 3 ميلليون دوللارعا باعالاندى
Luxurylaunches پورتالىنىڭ حابارلاۋىنشا، باعالى ىدىستىڭ باستاپقى قۇنى 3 ميلليون دوللاردى قۇرايدى دەپ حابارلايدى Sn.kz.
Egoist دەپ اتالاتىن التىن شاينەكتى يتاليالىق Scavia فيرماسى اسىل تاستاردان جاساعان. ول ءۇشىن 1,6 مىڭنان استام بريلليانت پەن 388 رۋبين تاسى جۇمسالىپتى. شاينەكتىڭ ءدال ورتاسىندا سالماعى 6 كارات بولاتىن رۋبين ورنالاسقان. ونىڭ قاقپاعى دا ءىرى اسىل تاسپەن كومكەرىلگەن.
اسا باعالى ىدىس Chitra دەپ اتالاتىن كوللەكتسيانىڭ ءبىر بولشەگى عانا. كوللەكتسيانىڭ قۇرامى وسى تەكتەس باعالى 1700 اس ءۇي جابدىقتارىنان تۇرادى. ولاردىڭ قاتارىندا ۋينستون چەرچيلدىڭ قىزىنا تيەسىلى كۇمىس شاي سەرۆيزى مەن قىتايدىڭ سۋن ديناستياسىنان 1816-جىلى ليۋدوۆيك XVIII پاتشا ساتىپ العان ىدىس-اياقتار بار.
بۇعان دەيىنگى ەڭ قىمبات شاينەكتىڭ قۇنى 2 ميلليون دوللاردى قۇرايتىن. ول 2007-جىلى Sotheby's اۋكتسيونىندا ساتىلعان. باعالى ىدىس ءبىرىنشى ەليزاۆەتا حانشايىمعا تيەسىلى بولىپتى. كەيىن حانشايىم ونى 1603-جىلى ءوزىنىڭ ءىزباسارى گەنري پارريگە سىيلاعان.
