وڭتۇستىك قازاقستاندا 3 رەت ەگىزدى بولعان جاس وتباسى ەلدىڭ سۇيىسپەنشىلىگىنە بولەندى - فوتو
بۇل تۋرالى شامشىراق باسىلىمى Facebook پاراقشاسىندا جازدى.
«جەدەل جاردەمنىڭ» دارىگەرى عالبيات عالىمنىڭ وتباسىندا بىلتىر قاسيەتتى ورازا ايىندا، ەگىز ۇل بالا دۇنيەگە كەلىپ، شاڭىراقتىڭ شاتتىعىنا شاتتىق قوستى. بۇل جاقسى جاڭالىققا تۋعان-تۋىس، كورشى-قولاڭدارى دا، ارىپتەستەرى دە ورتاقتاسىپ، سابيلەردىڭ «باۋى بەرىك بولسىن!» دەستى. بيىل سابيلەر 1 جاستان اسىپ، ءتاي-ءتاي باسىپ ءجۇر. جاس جۇبايلاردىڭ ەكەۋى دە دارىگەر بولىپ قىزمەت ەتەدى. عالبياتتىڭ جارى ۇلبوسىن جاسيمبەكوۆا 30 جاستا بولسا، ءوزى 34 كە تولدى.
بۇل جاس وتباسىندا بۇگىندە 8 قارا دومالاق ءوسىپ كەلەدى. جاس تا بولسا، باتىر انا اتانعان ۇلبوسىن وسىمەن ءۇشىنشى رەت ەگىز پەرزەنتتەردى ومىرگە اكەلىپ وتىر.
تۇڭعىش قىزدارى ارۋجان 4-سىنىپتا وقيدى. ەگىز قىزدارى قىمبات پەن سىمبات 6 جاستا. ودان كەيىنگى ەگىزدەرى - ۇلجان مەن ۇلپان 5 جاسقا اياق باستى. اقارىس اتتى ۇلدارى 3 جاستا. ال، 2015-جىلى بۇل باتىردىڭ ىزىنەن ەگىز ىنىلەرى بەكارىس پەن جانارىس ەسىمدى بالاقايلار دۇنيەگە كەلىپ، وتباسىنا «اق تۇيەنىڭ قارنى جارىلدى» دەيتىندەي قۋانىش سىيلادى.
ايتا كەتەرلىك قىزىق جايت جاس وتباسىنىڭ ەكەۋىنىڭ دە باۋىرلارىنىڭ ىشىندە ەگىزدەر جوق ەكەن.
