پاۆلودار وبلىسىندا 3 مىڭنان استام بوس جۇمىس ورنى بار

بۇل تۋرالى بۇگىن وڭىرلىك كوممۋنيكاتسيالار قىزمەتىندە وتكەن بريفينگ بارىسىندا وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى حەلۋا قاشكەنوۆا ءمالىم ەتتى،
دەپ حابارلايدى pavlodarnews.kz.
«بۇگىنگى تاڭدا وبلىس بويىنشا 3000 نان استام بوس جۇمىس ورنى بار. بۇل بىلتىرعى كەزەڭگە قاراعاندا ەكى ەسەگە ارتىق كورسەتكىش. كوبىنەسە ەكىباستۇز، اقسۋ قالالارىندا ءوندىرىس سالاسىنا جانە اۋداندارعا اۋىل شارۋاشىلىعى ماماندارى قاجەت. ءتىپتى، جەلەزين، باياناۋىل اۋداندارىنىڭ كاسىپكەرلەرى جۇمىسپەن بىرگە باسپانا بەرۋگە دايىن. الايدا جاستاردىڭ كوبى اۋىلعا بارعىسى كەلمەيدى. وعان قالامەن سالىستىرعاندا اۋىلدىق ايماقتاردا ەڭبەكاقىنىڭ تومەندىگى دە سەبەپ بولاتىن شىعار. سوندىقتان قازىرگى تاڭدا وڭتۇستىك قازاقستان، الماتى، قىزىلوردا جانە جامبىل وبلىستارىنا «ەكى قولعا ءبىر كۇرەك ىزدەپ جۇرگەن» ازاماتتاردى شاقىرۋ ماقساتىندا حات جولدادىق، - دەيدى حەلۋا قاشكەنوۆا.