07:37, 03 - تامىز 2016 | GMT +5
مەكسيكادا ەكى اپتانىڭ ىشىندە 3 قالا مەرى ءولتىرىلدى
استانا. قازاقپارات - مەكسيكانىڭ پۋەبلا شتاتىندا حۋەحۋەتلان ەل گراندە قالاسىنىڭ مەرى حوسە سانتوس ماريا زاۆالانى اتىپ كەتتى.
بۇل وسىمەن سوڭعى ەكى اپتانىڭ ىشىندە ەلدە ولتىرىلگەن ءۇشىنشى مەر (قالا باسشىسى)، دەپ حابارلايدى بي- بي- سي.
ول ءوزىنىڭ اۆتوموبيلىندە ءولى تابىلعان. سول كولىكتە بىرگە كەلە جاتقان قالا باسشىسىنىڭ حاتشىسى پوليتسەيلەر وقيعا ورنىنا كەلگەن كەزدە بولماعان. ونىڭ قايدا ەكەندىگى بەلگىسىز بولىپ وتىر. ازىرگە نە ماقساتپەن شابۋىل جاسالعانى ايتىلماۋدا.
ايتا كەتسەك، شىلدەدە مەكسيكالىق قالالاردىڭ ەكى مەرى قىلمىسكەرلەر قولىنان قازا تاپقان ەدى.
مەكسيكا مەرلەرى قاۋىمداستىعىنىڭ دەرەكتەرىنە قاراعاندا، 2003 -جىلدان بەرى 40 قالا باسشىسى ولتىرىلگەن. ولاردىڭ جەتەۋى جاڭادان سايلانعان، 32- ءسى - بۇرىنعى مەرلەر.
