الماتىدا سيرك ونەرپازى 3 توننالىق كولىكتى سۇيرەدى - كەسكىن

الماتى. قازاقپارات - الماتىدا حالىقارالىق سيرك كۇنىنە وراي قازاق مەملەكەتتىك سيركىنىڭ ۇجىمى قايىرىمدىلىق قويىلىمىن ۇيىمداستىردى.

مەرەكەلىك قويىلىمدى مۇمكىندىگى شەكتەۋلى بالالار، جەتىم جانە الەۋمەتتىك تۇرعىدان از قامتىلعان وتباسىلاردىڭ بالالارى تاماشالادى.

كەلۋشىلەر نازارىنا اسەل مەن باتىرجان بەيسەنوۆتەردىڭ تۇيەلەرىنىڭ «سيقىرلى كەرۋەنى»، تيمۋر قورجىمبايەۆتىڭ ۇيرەتىلگەن يتتەرى ونەر كورسەتتى.

حالىقارالىق بايقاۋلاردىڭ جەڭىمپازدارى اۋە اكروباتتارى قانافينا ءاليا مەن 11 جاستاعى ماريا ستارودۋبوۆانىڭ ونەرى كورەرمەندەردى تاڭداندىردى.

سونداي-اق، ماچتا اكروباتتارى، اۋە گيمناستارىنىڭ قويىلىمى جۇرتشىلىق كوڭىلىنەن شىقتى.

اسىرەسە، كوپشىلىكتىڭ كوڭىلىن ونەرپاز جايداربەك كۇنقوجانوۆتىڭ جەتەكشىلىگىندەگى حالىقارالىق بايقاۋلاردىڭ جەڭىمپازى، قازاق سيركىنىڭ ماقتانىشى «نوماد» اتتى- اكروباتيكالىق توبى ءبىر سەرپىلتىپ تاستادى.

ونەرپاز قىز-جىگىتتەر شاۋىپ بارا جاتقان اتتىڭ باۋىرىنان ءوتىپ، ات قۇلاعىندا وينادى.

ءدۇيىم جۇرتتىڭ نازارىن «ستال» توبىنىڭ كۇش-قايرات شوۋى اۋداردى.

جىگىتتەر بىلەۋدەي تەمىردى موينىمەن وپ-وڭاي ءيىپ، كولىكتىڭ شينالارىن دوپشا اتتى.

ەكى يىعىنا ەكى كىسى مىنگەندەي ەكى جىگىت سالماعى 2 توننا بولاتىن كولىكتى ورنىنان وڭاي قوزعادى. ايتا كەتۋ كەرەك، كولىككە كورەرمەندەردىڭ اراسىنان 8 ادام وتىردى.