جالعان قۇجاتپەن جۇرگەن 3 وزبەكستاندىق ۇستالدى

الماتى. قازاقپارات - كولىك پوليتسەيلەرى جالعان قۇجاتتاردى پايدالانعان وزبەكستاننىڭ 3 ازاماتىن ۇستادى.

بۇل تۋرالى ق ر ءى ءى م كولىكتەگى ءى ءى د- نىڭ باسپا ءسوز قىزمەتى حابارلادى.

«الماتى-1 ستانساسىنداعى ىشكى ىستەر جەلىلىك باسقارماسى كوشى- قون پوليتسياسى قىزمەتكەرلەرى «الماتى- نۇكىس» باعىتىنداعى جولاۋشىلار پويىزى ۆاگوندارىنىڭ بىرىندە جولاۋشىلاردىڭ جەكە قۇجاتتارىن تەكسەرۋى كەزىندە وزبەكستان رەسپۋبليكاسىنىڭ 3 ازاماتىنىڭ كوشى- قون كارتوچكاسىندا قر ءىىم ءىىو- نىڭ جالعان ءمورى باسىلعانىن انىقتادى»، دەلىنگەن حابارلامادا.

قازىرگى ۋاقىتتا ق ر ق ك- نىڭ 385-بابى 3-تارماعى بويىنشا (كورىنەۋ جالعان قۇجاتتى پايدالانۋ) سوتقا دەيىنگى تەرگەۋ امالدارى جۇرگىزىلۋدە.

كولىك پوليتسەيلەرى 2016 -جىلدىڭ باسىنان بەرى قازاقستانعا كەلۋ ەرەجەسىن بۇزعان 1112 شەتەل ازاماتىن اكىمشىلىك جاۋاپكەرشىلىككە تارتتى. سوت قاۋلىسىنا سايكەس 75 شەتەل ازاماتى ەلدەن شىعارىلدى.