قازاقستاندىق ۆيزاجيست كورەيادا وتكەن سۇلۋلىق وليمپياداسىندا 3 اتالىم بويىنشا جەڭىمپاز اتاندى - فوتو، كەسكىن
ايتا كەتۋ كەرەك، اتالعان سۇلۋلىق وليمپياداسىنا الەمنىڭ 50 ەلىنەن 1000 ادام قاتىسۋدا.
«بۇگىن ەكىنشى كۇن. ۆيكتوريا ءۇش نوميناتسيا بويىنشا قاتىسىپ جاتىر. كەشە «توي ماكياجى» اتالىمىندا جۇبايىم التىن الدى. بۇگىن «بودي- ارت» اتالىمى بويىنشا قاتىستى. وعان 10-12 ساعات ۋاقىتى كەتتى. «پوديۋم ماكياجى» بويىنشا دا، «بودي- ارت» بويىنشا دا ۆيكتوريا التىن الدى. بۇل چەمپيونات تىرناق جاساۋ، بەت ارلەۋ، شاش ۇلگىسى شەبەرلىگىن شىڭدايتىن ماڭىزدى كونكۋرس. كونكۋرس تاريحىندا ءبىر ادامنىڭ ءۇش نوميناتسيا بويىنشا التىن الۋى ءبىرىنشى رەت بولىپ وتىر»، - دەدى ۆ. ستانيەۆيچتىڭ كۇيەۋى.
ايتا كەتۋ كەرەك، جيۋري قۇرامىندا تاعى ءبىر قازاقستاندىق شەبەر ەلەنا ۋشاكوۆا قازىلىق ەتىپ جاتىر.
ۆ. ستانيەۆيچ بۇعان دەيىن پاريجدە وتكەن ەۋروپا چەمپيوناتىندا 2 التىن، ءبىر كۇمىس ەنشىلەپ، كوماندانى كوشباسشىعا اينالدىرعان بولاتىن.
ناتيجەسىندە، قازاقستاننىڭ رەسپۋبليكالىق «ۆيزاجيستەر جانە بودي ارت» قاۋىمداستىعى كوماندالىق ەسەپتە كۋبوكتى جەڭىپ العان بولاتىن.
اۆتور: گۇلميرا عوسمانالي
