11:55, 28 - ناۋرىز 2016 | GMT +6
وبامانىڭ سازايىن تارتتىرامىن دەپ، 3 جىلعا باس بوستاندىعىنان ايىرىلدى
استانا. قازاقپارات - ا ق ش- تا ۆيسكونسين شتاتىنىڭ سوتى 55 جاستاعى جەرگىلىكتى تۇرعىن برايان داتچەردى ءۇش جىلعا سوتتادى.
پوليتسيانىڭ پىكىرىنشە، ول باراك وباما لا-كروسس قالاسىنا جۇمىس ساپارىمەن بارعاندا وعان شابۋىل جاساۋعا دايىندالعان.
داتچەر 2 -شىلدەدە وبامانىڭ سازايىن تارتتىراتىندىعى جونىندە جازدى. سول كۇنى پرەزيدەنت ۆيسكونسين شتاتىنا بارۋدى جوسپارلاعان ەدى. ول شىنىمەن باراك وبامانىڭ ساپارىنا ءبىر كۇن قالعاندا قالاعا بارعان. سول جەردە قاماۋعا الىندى.
القا بيلەر سوتى داتچەردى ايىپتى دەپ تانىپ، ءۇش جىلعا باس بوستاندىعىنان ايىردى. سونىمەن قاتار ول بوستاندىققا شىققاننان كەيىن ءۇش جىل بويى باقىلاۋعا الىنباق، دەپ جازدى lifenews.ru.
