20:21, 18 - ناۋرىز 2016 | GMT +5
لۋكاشەنكو: مەن زەينەت جاسىن 3 جىلعا كەزەڭ- كەزەڭمەن كوتەرۋدى قۇپتايمىن
استانا. قازاقپارات - بەلارۋس پرەزيدەنتى الەكساندر لۋكاشەنكو بۇگىن ءوز ەلىندەگى «كوممۋناركا» فابريكاسى ۇجىمىمەن اڭگىمەلەسكەندە زەينەت جاسىن 3 جىلعا كەزەڭ-كەزەڭمەن كوتەرۋدى قولدايتىنىن ايتتى، دەپ حابارلادى بەلتا.
«بۇل باعىتتا بىرتىندەپ جانە ىقتياتپەن جىلجۋىمىز كەرەك دەپ ويلايمىن، - دەپ اتاپ ءوتتى مەملەكەت باسشىسى. - ءار جىلدا زەينەت جاسىنا جارتى جىلدان قوسىپ 3 جىلعا كوتەرگەن دۇرىس دەگەن پىكىردەمىن. وسىلايشا بىرتىندەپ التى-جەتى جىلدان كەيىن ءۇش جىلعا ۇلعايتامىز».
الەكساندر لۋكاشەنكو 55 جانە 60 جاستان زەينەتكە شىعۋ تەك بەلارۋس پەن رەسەيدە عانا قالعانىن ايتتى.
ول مەملەكەتتىڭ نەلىكتەن وسىنداي شاراعا بارۋعا ءماجبۇر ەكەنىن جەتكىزدى. «ەل بويىنشا ادامداردىڭ جالاقىسى جوعارى ەمەس جانە ول ءوسىپ تە جاتقان جوق. ال زەينەتاقى قورى جالاقىدان قالىپتاسادى»، - دەدى پرەزيدەنت.
