تۇرعىن ۇيدە كىر جۋعىش ماشينا ورتەنىپ، قاراۋسىز قالعان 3 جاسار بالا كوز جۇمدى

استانا. قازاقپارات - 16- ناۋرىزدا ءۇش جاسقا تولعالى وتىرعان بالا ءيىس ءتيىپ كوز جۇمدى. اتا- اناسى بالاسىن ۇيدە جالعىز قالدىرىپ كەتكەن. سىرىڭكەمەن ويناعان بالا ابايسىزدا تۇرمىستىق تەحنيكانى جاندىرىپ جىبەرگەن.

«13 - ناۋرىز كۇنى بالانىڭ اتا- اناسى ونى ۇيدە جالعىز قالدىرىپ كەتكەن. كورشىلەردىڭ ايتۋىنشا، بۇل ءبىرىنشى رەت ەمەس. سول كۇنى ءسابي سىرىڭكە تاۋىپ، زاتتاردى جاعىپ كورگەن. ءورت اۋماعى ۇلكەن ەمەس، نەبارى ءبىر شارشى مەتر. ءبىراق وت جالىنى كىر جۋعىش ماشيناعا ءتيىپ، كوز اشىتاتىن ءتۇتىن بولىنگەن. بالا سودان يىستەنىپ، مەرت بولعان»، - دەپ حابارلادى ريددەر قالاسىنىڭ ت ج بويىنشا باسقارماسىنىڭ باس مامانى ميحايل كالگانوۆ.

 اناسى ۇيىنە ورالعاندا، ءورت وزدىگىنەن ءسونىپ قالعان. وقيعا ورنىنا جەتكەن دارىگەرلەر بالاعا ەش كومەك كورسەتە المادى.

«ريددەردە بالالارىن قاراۋسىز قالدىرىپ جۇرگەن ادامدار از ەمەس. اتا- انالار بۇل ارەكەت جاقسىلىققا اپارمايتىنىن ءتۇسىنۋى ءتيىس»، - دەپ ەسكەرتتى ميحايل كالگانوۆ.