قىزىلوردادا جوعالعان 3 جاسار بالا اعاش اراسىندا ۇيىقتاپ جاتقان جەرىنەن تابىلدى

 دەپ حابارلايدى وبلىستىق ءى ءى د- ءنىڭ باسپا ءسوز قىزمەتى.

29 - اقپانىندا كەشكە ساعات 20.30 شاماسىندا جەدەل جوسپارلاۋ باسقارماسىنا 3 جاستاعى بالانىڭ جوعالىپ كەتكەندىگى جايلى حابار كەلىپ تۇسەدى. وسى وقيعا بويىنشا وبلىستىق دەپارتامەنتتىڭ جانە قالالىق ىشكى ىستەر باسقارماسىنىڭ جەدەل تەرگەۋ توبى، ۋچاسكەلىك پوليتسيا جانە جول- پاترۋلدىك پوليتسيا قىزمەتكەرلەرى جىبەرىلىپ، توتەنشە جاعدايلار دەپارتامەنتىنە حابارلاندى.

بىرنەشە ساعاتقا سوزىلعان شارالار بارىسىندا سول اۋماقتاعى كوپ قاباتتى تۇرعىن ۇيلەردىڭ جەرتولەلەرى، كىرەبەرىستەرى، بىتپەي قالعان اياقتالماعان قۇرىلىس نىساندارى، ساياجاي اۋماعى تەكسەرىلىپ، كورگەن- بىلگەن ادامداردان جاۋاپتار الىندى.

كەيىن 3 جاستاعى ءبۇلدىرشىن تاسبوگەت كەنتى، پ م ك-19 ساياجايىنىڭ باتىس جاعىنان 4 شاقىرىم جەردە جىڭعىل اعاشتارىنىڭ اراسىندا ۇيىقتاپ جاتقان جەرىنەن تابىلدى.

ارادا بىرنەشە ساعاتتان كەيىن تاعى ءبىر جاسوسپىرىمنىڭ جوعالىپ كەتۋى جايلى دەرەك تىركەلەدى. سول كۇنى كەشكە شاماسىندا 14 جاستاعى 8 - سىنىپ وقۋشىسى تاسبوگەت كەنتىندە تۇراتىن اجەسىنىڭ ۇيىنەن كەتىپ، ورالماعان. جەدەل تۇردە ىزدەستىرۋ شارالارى جۇرگىزىلىپ، جاسوسپىرىمنىڭ تۇرپاتتىق بەينەسى، ەرەكشە بەلگىلەرى جاسالادى. ۇيدەن كەتىپ قالۋىنا سەبەپ بولارلىق جايتتار جان- جاقتى قارالىپ، بارۋى مۇمكىن ورىندار تەكسەرىلدى، قۇربىلارى مەن دوستارىنان تۇسىنىكتەمەلەر الىندى. پوليتسيا قىزمەتكەرلەرىنىڭ جۇرگىزگەن ىزدەستىرۋ شارالارىنىڭ ناتيجەسىندە 14 جاسار جاسوسپىرىم قىز بىرنەشە ساعاتتان كەيىن تابىلدى.

«قازىرگى تاڭدا، 2 جاسوسپىرىمنىڭ دە جاعدايى «جاقسى» دەپ باعالانۋدا، ءدىن امان اتا- انالارىنا تاپسىرىلدى. ءتيىستى تەكسەرۋ جۇمىستارى جۇرگىزىلۋدە»، دەلىنگەن حابارلامادا.