14:51, 04 - اقپان 2016 | GMT +5
ەۋرووداق ەلدەرى تۇركياعا 3 ميلليارد ەۋرو بەرۋگە كەلىستى
استانا. قازاقپارات - ەۋرووداق ەلدەرى اعىلعان بوسقىندار ءنوپىرىن توقتاتۋ ماقساتىندا تۇركياعا 3 ميلليارد ەۋرو بەرۋگە ءبىر اۋىزدان كەلىستى.
مۇنداي شەشىم بريۋسسەلدە وداققا مۇشە ەلدەردىڭ تۇراقتى وكىلدەرى قاتىسقان جيىندا قابىلداندى.
تۇركيا مەن ەۋرووداق وتكەن جىلدىڭ قاراشا ايىندا ءوزارا كەلىسكەن بولاتىن. دەگەنمەن انادولى ەلىنە بەرىلەتىن 3 ميللياردتىڭ ەكى ميللياردى وداققا مۇشە 28 مەملەكەتتىڭ ىشكى بيۋدجەتىنەن بولىنەتىندىكتەن يتاليا سىندى بىرنەشە ەل بۇل شەشىمگە قارسىلىق تانىتتى.
الايدا بۇگىن بارلىعى كەلىسىمگە قول قويدى. ەندى وداققا مۇشە ەلدەردىڭ ۇلتتىق ۇكىمەتى قاجەتتى قارجىنى تاۋىپ بەرەر بولسا، رەسمي انكارا تاياۋ شىعىستان كەلگەن بوسقىنداردى ءوز ەلىندە بوگەپ، ەۋرووداققا جىبەرمەۋگە مىندەتتەلەدى.
www.24.kz
